करेन्ट लागेर वृद्धको मृत्यु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
सल्यान — सल्यानमा शुक्रबार बेलुकी करेन्ट लागेर एक वृद्धको मृत्यु भएको छ ।
![](https://assets-cdn.ekantipur.com/uploads/source/ads/comp-900x100-1672024010950.gif)
जिल्लाको बाग्चौर नगरपालिका ३ सोताघारका अन्दाजी ७० वर्षका मोहनलाल वलीको करेन्ट लागेर मृत्यु भएको हो ।
घर नजिकैको खेतमा धानमा सिँचाईका लागि खोलाबाट पानी तान्न मोटर जोड्ने क्रममा वलीलाई करेन्ट लागेको घटनास्थलमै मृत्यु भएको जिल्ला प्रहरी कार्यालय सल्यानका सूचना अधिकारी प्रहरी निरीक्षक रेशमबहादुर खत्रीले बताए ।
ईप्रका थामारेको प्रहरी निरीक्षक नविन थापा सहितको टोली घटनास्थल पुगेको र मुचुल्का उठाउने काम भैरहेको उनले जानकारी गराए । मुचुल्का उठाइसकेपछि वलीको शवलाई पोस्टमार्टमका लागि जिलला अस्पताल सल्यान ल्याइने उनले बताए ।
![](https://assets-cdn.ekantipur.com/uploads/source/ads/900-x-100-1-0282024055738.gif)
प्रतिक्रिया