त्रिपालको भरमा ऐतिहासिक दरबार

प्रमुख जिल्ला अधिकारी उमाकान्त अधिकारीले २ सय २८ वर्ष पुरानो ऐतिहासिक जाजरकोट दरबारलाई तत्काल ढल्न नदिन त्रिपालले ढाकिएको बताए । डिभिजन वन कार्यालयको करिब ४ लाख सहयोगपछि त्रिपालले ढाक्ने काम गरिएको उनले बताए ।

सरकारको स्वामित्वमा रहेको यो दरबारमा भूकम्प जानुअघि जिल्ला प्रशासनको कार्यालय बस्दै आएको थियो । ऐतिहासिक विरासत बोकेको यो दरबार भित्रभित्रै मक्किएको छ । १९९० सालको भूकम्पले भत्किएपछि यो दरबारको पुनर्निर्माण गरिएको थियो । त्यतिबेला सात तलाको दरबारलाई चार तला मात्रै कायम गरिएको थियो । तर यसपटकको भूकम्पले पुनः दरबारलाई नराम्ररी क्षति पुर्‍याएको छ ।