त्रिपालको भरमा ऐतिहासिक दरबार
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
जाजरकोट — गत कात्तिक १७ मा गएको भूकम्पले क्षतिग्रस्त ऐतिहासिक दरबारलाई जोगाउन त्रिपालले छोपिएको छ । जिल्ला प्रशाासन कार्यालयले प्रयोग गर्दै आएको दरबारभित्र वर्षातको पानी चुहिन थालेपछि त्रिपालले ढाकिएको हो । यो दरबार वि.सं. १८५२ मा तत्कालीन जाजरकोटका राजा इन्द्रनारायण शाहका पालामा निर्माण भएको बताइन्छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![त्रिपालको भरमा ऐतिहासिक दरबार](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/jajarkot-2672024025322-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
प्रमुख जिल्ला अधिकारी उमाकान्त अधिकारीले २ सय २८ वर्ष पुरानो ऐतिहासिक जाजरकोट दरबारलाई तत्काल ढल्न नदिन त्रिपालले ढाकिएको बताए । डिभिजन वन कार्यालयको करिब ४ लाख सहयोगपछि त्रिपालले ढाक्ने काम गरिएको उनले बताए ।
सरकारको स्वामित्वमा रहेको यो दरबारमा भूकम्प जानुअघि जिल्ला प्रशासनको कार्यालय बस्दै आएको थियो । ऐतिहासिक विरासत बोकेको यो दरबार भित्रभित्रै मक्किएको छ । १९९० सालको भूकम्पले भत्किएपछि यो दरबारको पुनर्निर्माण गरिएको थियो । त्यतिबेला सात तलाको दरबारलाई चार तला मात्रै कायम गरिएको थियो । तर यसपटकको भूकम्पले पुनः दरबारलाई नराम्ररी क्षति पुर्याएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)