पेस्तोलसहित पुरुष पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सल्यान — सल्यानमा अवैध हतियार (पेस्तोल) सहित प्रहरीले एक पुरुषलाई पक्राउ गरेको छ । जिल्लाको कालिमाटी गाउँपालिका १ लक्ष्मीपुरस्थित वर्ष ४५ का दिपकबहादुर चलाउनेलाई प्रहरीले पक्राउ गरेको हो ।
![](https://assets-cdn.ekantipur.com/uploads/source/ads/900x100-1172024092759.gif)
![पेस्तोलसहित पुरुष पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/pestol-0962024013100-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
चलाउनेले अवैध रुपमा हतियार लुकाइराखेको गोप्य सूचनाको आधारमा ईलाका प्रहरी कार्यालय लुहाम र जिल्ला प्रहरी कार्यालयको टोलीले खोजतलास गर्दा घरदेखि केही पर पोखरा सामुदायिक वन सल्लेरीमा खाल्डो खनी प्लाष्टिकमा बेरेर लुकाइराखेको एक थान खिया लागेको पेस्तोल बरामद गरेको र उनलाई तत्काल पक्राउ गरिएको जिल्ला प्रहरी कार्यालय सल्यानका सूचना अधिकारी तथा प्रहरी प्रवक्ता प्रहरी निरीक्षक भवानीप्रसाद धमलाले बताए । उनले खिया लागेको पेस्तोलको कम्पनीको नाम र मोडल नम्बर नखुलेको जानकारी गराए । उनका अनुसार पेस्तोल द्वन्द्वकालमै लुकाइराखेको जस्तो छ ।
पक्राउमा परेका चलाउनेलाई जिल्ला अदालत सल्यानबाट सात दिनको म्याद थप गरेर जिल्ला प्रहरी कार्यालय सल्यानको हिरासत कक्षमा राखिएको र घटनाको थप अनुसन्धान भैरहेको उनको भनाइ छ ।
![](https://assets-cdn.ekantipur.com/uploads/source/ads/900-x-100-0172024023126.gif)