२६.१२°C काठमाडौं
सल्यानमा मिनी ट्रक दुर्घटना : चालकको मृत्यु
सल्यान — सल्यानमा मिनी ट्रक दुर्घटना हुँदा चालकको मृत्यु भएको छ । दाङबाट सल्यान आउँदै गरेको रा १ ख १९१६ नम्बरको मिनी ट्रक गए राति करिब १० बजेतिर राप्ती राजमार्गअन्तर्गत कपुरकोट गाउँपालिका–३ अरिङ्गालेफेदीमा दुर्घटना हुँदा छत्रेश्वरी गाउँपालिका–६ का २६ वर्षीय सुकलाल घर्तीको मृत्यु भएको हो ।
दुर्घटनमाा बन्गाड कुपिण्डे नगरपालिका–९ सेराका २१ वर्षीय सहचालक तेजबहादुर बुढाथोकी घाइते भएका छन् । चालक घर्तीको ट्रकले च्यापिएर दुर्घटनास्थलमै मृत्यु भएको जिल्ला प्रहरी कार्यालय सल्यानका सूचना अधिकारी प्रहरी निरीक्षक भवानीप्रसाद धमलाले बताए । घाइते बुढाथोकीको श्रीनगरस्थित अस्पतालमा उपचार भइरहेको छ ।
प्रकाशित : जेष्ठ १४, २०८१ ०७:२१प्रतिक्रिया
