शुक्रबार मध्याह्नबाट भैरहवा विमानस्थल सञ्चालन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
भैरहवा — भैरहवास्थित गौतमबुद्ध अन्तराष्ट्रिय विमानस्थल शुक्रबार मध्यान्हबाट सञ्चालनमा आएको छ । मध्यान्हपछि विमानस्थलबाट उडान र अवतरण नियमित रुपमा सञ्चालन भइरहेको छ । अहिले काठमाडौंबाट आएका विमान यहाँ अवतरण गरेर पुनः गन्तव्यमा उडान भरिरहेका छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![शुक्रबार मध्याह्नबाट भैरहवा विमानस्थल सञ्चालन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/gbia-buddha-1272024035540-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
विमानस्थलका सूचना अधिकारी विनोद रावतका अनुसार सुरुमा बिहीबार राति आएर यहीँ होल्ड गरिएका तीनवटा जहाज यहाँबाट डिपार्चर भएका थिए । मध्यान्हबाट विमानस्थल पूर्णरुपमा सञ्चालनमा आइसकेको रावतले जानकारी दिए । ‘अहिले उडान र अवतरणमा कुनै समस्या छैन,’उनले भने, ‘विमानस्थल सञ्चालनमा आइसकेको छ ।’
रावतका अनुसार बिहीबार राति अवतरणका क्रममा धावनमार्गबाट चिप्लिएको बुद्ध एयरको जहाज अझैं हटाउन सकिएको छैन । जहाज संवेदशील हुने भएकाले सावधानीपूर्वक हटाउने काम भइरहेको उनले बताए । धावनमार्गबाट ४/५ मिटर टाढा घाँसे मैदानमा पुगेको जहाजलाई शुक्रबार बिहानबाट बुद्ध एयरको प्राविधिक टिम, विमानस्थलको ग्राउण्डह्याण्डलिङ टिम र सुरक्षाकर्मीले निकालेर अराइभलमा ल्याउने प्रयास गरिरहेका छन् ।
विमानस्थलको धावनमार्ग लामो र फराकिलो भएकाले सञ्चालनमा बाधा नपुग्ने रावतले बताए । धावनमार्गबाट चिप्लिएको विमानका तीनवटै चक्का माटोमा धसेका कारण समय लागेको हो । चक्का माटोमा गडेका छन् । चालकदलका सदस्यसहित ५९ जना सवार जहाज बिहीबार राति १० बजेतिर अवतरण गर्नेक्रममा चिप्लिएको थियो । लगत्तै उद्धारकर्मीले सबै यात्रुलाई सुरक्षित निकालेका थिए ।
![](https://assets-cdn.ekantipur.com/uploads/source/ads/900-x-100-1-0282024055738.gif)