ट्रकको ठक्करबाट मोटरसाइकल चालकको मृत्यु

घोराहीबाट नारायणगढ जाँदै गरेको रा १ ख २०६३ नम्बरको मिनिट्रकले पुर्वबाट पश्चिमतर्फ जांदै गरेको लु १४ प ४९९९ नम्बरको मोटरसाइकललाई ठक्कर दिँदा मोटरसाइकल चालक गढवा गाउँपालिका- १ कालाकाटेका ४४ बर्षीय सन्तोष कुमार योगीको मृत्युभएको हो ।

ठक्करबाट गम्भीर घाइते योगीको भालुवाङ अस्पतालमा उपचारका क्रममा मृत्यु भएको इलाका प्रहरी कार्यालय भालुवाङले जानकारी दिएको छ । चालक घोराही उपमहानगरपालिका-१३ का ३२ बर्षीय राजकुमार बिकलाई नियन्त्रणमा लिई घटनाबारे अनुसन्धान गरिरहेकोजिल्ला प्रहरी प्रमुख एसपी राम बहादुर केसीले बताए ।