बस्तीमा आतंक फैलाउने चितुवा नियन्त्रणमा

करिब एक महिनादेखि बस्तीमा पसेर खसी, बोका, बंगुर लगायत घरपालुवा चौपाया खाँदै आएको उक्त चितुवालाई ट्र्यापमा पारेर नियन्त्रणमा लिएको डिभिजन वन कार्यालयका प्रमुख प्रवीण बिडारीले बताए ।

चितुवाको पहिचान गर्न क्यामेरा ट्र्याप जडान गरिएको उनले जनाए । नियन्त्रणमा लिएको चितुवालाई बर्दिया राष्ट्रिय निकुञ्जमा पठाउन लागिएको डिभिजन वन कार्यालयले जनाएको छ । यस चालु आवमा ३ वटा चितुवालाई नियन्त्रणमा लिई बर्दिया निकुञ्जमा छाडिएको छ ।