गृहमन्त्रीका गतिविधि टिप्पणी गर्न लायक छैनन् : नेता निधि
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सुनसरी — नेपाली कांग्रेसका नेता बिमलेन्द्र निधिले गृहमन्त्री रवि लामिछानेको काम कारवाही टिप्पणी गर्न लायक नभएको बताएका छन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![गृहमन्त्रीका गतिविधि टिप्पणी गर्न लायक छैनन् : नेता निधि](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/img6025-0172024010427-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
इटहरीमा सोमबार नेपाल प्रेस युनियनले गरेको अन्तक्रिया कार्यक्रममा बोल्दै नेता निधिले गृह मन्त्रालयमा लामिछाने जस्तो अपरिपक्क मान्छेलाई जिम्मा लगाउनु नै गलत भएको बताए ।
पूर्वगृहमन्त्री समेत रहेका निधिले अहिलेका गृहमन्त्रीको काम गराई अपरिपक्क देखिएको बताए । सरकार परिवर्तनलाई सामान्यरुपमा लिनुपर्ने उनको भनाइ थियो । 'अहिले संसद्मा कसैको पनि स्पष्ट बहुमत छैन । त्यसकारण सरकार परिवर्तन हुने कुरालाई सामान्यरुपमा लिनुपर्छ,' उनले भने ।
प्रधानमन्त्री पुष्पकमल दाहाललाई बारम्बार सरकार फेरबदल गरेर उथलपुथल गर्ने विशेषज्ञको संज्ञा दिदै निधिले भने, 'उथलपुथलको विशेषज्ञ प्रधानमन्त्री पुष्पकलम दाहाल हुन्, शेरबहादुर देउवा र केपी शर्मा ओली होइनन् ।'
नेता निधिले बर्तमान संविधान संशोधन जरुरत रहेपनि २०८४ को निर्वाचन अगाडि सम्भावना नरहेको प्रस्ट पारे । संबिधान संशोधनको एजेण्डा लिएर २०८४ को निर्वाचनमा जानुपर्ने र जनताले म्याण्डेड दिएको अवस्थामा मात्र संबिधान संशोधन हुनसक्ने निधिको भनाई थियो ।
![](https://assets-cdn.ekantipur.com/uploads/source/ads/900-x-100-0172024023126.gif)