११ वर्षीया बालिकासँग विवाह गरेको आराेपमा युवा पक्राउ 

पाणिनि गाउँपालिका-४ पटौटी गाउँका ३० वर्षका अम्मर बहादुर रानाले वैशाख ३१ गते नाबालिकालाई विवाह गरेकोले पक्राउ गरिएको प्रहरी नायव उपरीक्षक प्रतितसिंह राठाेरले बताए । उनले विवाह गरेकी बालिका ११ वर्ष ७ महिना ५ दिनकी छिन् ।

रानालाई प्रहरीले जेठ १३ गते दिउँसो घरबाटै पक्राउ राठाेरले बताए । रानालाई अदालतबाट ५ दिनको म्याद थपेर अनुसन्धान भैरहेको छ ।

१० कक्षासम्म अध्ययन गरेका रानाले ७ कक्षामा पढ्ने बालिकालाई फकाएर विवाह गरेका थिए । छाेरीलाई भगाएर विवाह गरेपछि माइती पक्षले नाबालिका भन्दै प्रहरीमा उजुरी दिएका थिए ।