एमालेले वाग्मतीको मन्त्रिपरिषद्मा सहभागी हुनेको नाम टुंग्यायो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
मकवानपुर — नेकपा एमालेले वाग्मती प्रदेशको मन्त्रिपरिषद्मा सहभागी हुनेको नाम टुंग्याएको छ । एमाले प्रदेशमा पाएको ६ मन्त्रालयमा भक्तपुरका किरण थापा, काठमाडौंका प्रकाश श्रेष्ठ, ललितपुरका प्रेमभक्त महर्जन, सिन्धुलीकी सुकमाया तामाङ, चितवनका कृष्णप्रसाद सिलवाल तथा काठमाडौंका अमनकुमार मास्के मन्त्री बन्ने भएका हन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![एमालेले वाग्मतीको मन्त्रिपरिषद्मा सहभागी हुनेको नाम टुंग्यायो](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/bagmati-1562024014542-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
उनीहरूको जिम्मेवारी भने अझै टुंगिसकेको छैन ।
एमालेले आर्थिक मामिला तथा योजना मन्त्रालय, खानेपानी, ऊर्जा तथा सिँचाइ मन्त्रालय, वन तथा वातावरण मन्त्रालय, स्वास्थ्य मन्त्रालय र उद्योग, वाणिज्य, भूमि तथा प्रशासन मन्त्रालय प्राप्त गर्ने बुझिएको छ । सत्तासाझेदार एमाले र कांग्रेसबीच युवा तथा खेलकुद मन्त्रालय र कृषि तथा पशुपन्छी विकास मन्त्रालयको विषयमा अझै सहमति भएको छैन ।
एमालेको समर्थनमा कांग्रेस संसदीय दलका नेता बहादुरसिंह लामाले आजै मुख्ममन्त्रीमा दाबी पेस गर्ने भएका छन् ।
यी हुन् एमालेबाट मन्त्रीहरू
१) प्रकाश श्रेष्ठ- कृषि तथा पशुपन्छी मन्त्रालय
२) किरण थापा- स्वास्थ्य मन्त्रालय
३) कृष्ण सिलवाल - वन तथा वातावरण
४) सुकमाया तामाङ - उद्योग, वाणिज्य, भूमि तथा प्रशासन मन्त्रालय
५) अमन मास्के- भौतिक पूर्वाधार विकास मन्त्रालय
६) प्रेमभक्त महर्जन- श्रम रोजगार तथा यातायात मन्त्रालय
![](https://assets-cdn.ekantipur.com/uploads/source/ads/900-x-100-1-0282024055738.gif)