भन्सार छलेर ल्याएको ७७ लाखको सामानसहित एक व्यक्ति पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
हेटौंडा — मकवानपुर प्रहरीले ७७ लाख मूल्य बरावरको अवैध सामानसहित एक जनालाई पक्राउ गरेको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![भन्सार छलेर ल्याएको ७७ लाखको सामानसहित एक व्यक्ति पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/untitled-0342024033857-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
पुर्वपश्चिम राजमार्गको मनहरी गाउँपालिका-७ स्थित सडक खण्डमा प्रहरीले मंगलबार राति वाग्मती विएडी ४३७० नम्वरको सवारी साधन रोकेर चेकजाँच गर्ने क्रममा उक्त गाडीमा अवैध भन्सार छलेर चोरी पैठारी गरी ल्याइएका सामान पाइएको थियो । प्रहरीले ती सामानसहित चालक २८ वर्षीय राजकुमार चौधरीलाई पक्राउ गरेको हो । उनी त्रियुगा नगरपालिका-१३, उदयपुरका हुन् ।
जिल्ला प्रहरी कार्यालयका प्रहरी नायप उपरीक्षक लक्ष्मी भण्डारीका अनुसार चौधरीले हाँकिरहेको गाडीमा बिलबिजक नभएका साडी, कुर्थासुरुवाल, टि-सर्ट, पाईन्ट, जुत्ता लगायतका लत्ताकपडाहरु २७४४ थान, बिभिन्न कम्पनीका आईफोन, सामसुङ,भिभो, आईटेल, रेड्मी लगायतका ८२ थान मोबाइलसमेत गरी करिब ७७ लाख रुपैयाँ बराबरका सामाग्री समेत बरामद गरिएको छ ।
लोथरबाट हेटौंडातर्फ आउँदै गरेको उक्त ट्रक रोकेर खानतलासी गर्ने क्रममा भन्सार छली ल्याएको अवैध सामानहरु फेला परेको हो । आवश्यक अनुसन्धान तथा कारबाहीका लागि राजश्व अनुसन्धान कार्यालय पथलैया पठाइएको जनाएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)