माघको ठिही । पानी चुहिएर रातभर सुत्न सकिन्न । हतियारजति सबै प्लास्टिकले बेरेर पानीबाट जोगाउनुपर्छ । मकवानपुरको थाहा नगरपालिका–४ सिमभञ्ज्याङस्थित प्रहरी चौकीका प्रहरीले यस्तो कष्टकर हिउँद भोगेको पाँच वर्ष पुग्यो । ०७२ वैशाखको भूकम्पले चौकी ध्वस्त भएपछि उनीहरू टेन्टमुनि बस्दै आएका छन् ।
मकवानपुरको बकैया गाउँपालिका–५ भडौराकी १५ वर्षकी किशोरी र हेटौंडा पदपोखरीका १७ वर्षीय किशोरबीच बिहेको तयारी चलिरहेको थियो । ८ कक्षामा पढ्ने किशोरीले अघिल्लै रात सिविन बाल हेल्पलाइनको नम्बरमा फोन गरिन्, र उमेर नपुगी अभिभावकले जबरजस्ती विवाह गरिदिन लागेको सूचना दिइन् ।
सञ्चारकर्मी मनोहर ढकाललाई डकैतीसहित हत्या गरेको ठहर गर्दै जिल्ला अदालत मकवानपुरले २ युवकलाई ३९ वर्ष कैद गर्ने फैसला गरेको छ । जिल्ला न्यायाधीश दिल्लीरत्न श्रेष्ठको बिहीबार बसेको इजलासले हेटौंडा उपमहनगरपालिका—११ का अनमोल पुडासैनी र हेटौडा उपमहानगरपालिका—१२ का प्रविण वाईवालाई हेटौंडा उपमहानगरपालिका—११ नवलपुरका ढकालको हत्या गरेको ठहर गर्दै उक्त फैसला गरेको हो ।
खोलामा माछा नभएकाले मकवानपुरका माझी समुदायको दुवाली छेकेर माघेसंक्रान्ति मनाउने चलन यो वर्ष रोकिएको छ । माझी समुदाय बसोबास गर्ने क्षेत्रको सिमात र बकैया खोलामा माछा नभएकाले दुवाली छेकेर माघेसंक्रान्ति मनाउने परम्परा रोकिएको हो । ‘पहिले पहिले खोलामा करेन्ट र विष हालेर माछा मारिन्थ्यो,’ बकैया गाउँपालिका ६ जुइनाका कृष्ण माझीले भने, ‘खोलामा माछा नै छैन के दुवाली छेक्नु । पुस मसान्तका दिन दुवाली छेक्ने काम गरिएन ।’
१५ वर्ष मात्र टेकेकी थिइन्, प्रेमविवाह गरेर स्कुलबाटै भागिन् । विवाह गरेका युवक न उनी पढ्ने स्कुलका हुन्, न त गाउँकै । उनी थिए दाङका । मकवानपुरको मनहरी गाउँपालिकामा विद्युतको काम गर्थे । एक वर्षदेखि चिनजानमा रहेका उनीहरूबीच प्रेम झाँगियो । अन्ततः भागीबिहे गरे ।
घरमा सुत्केरी हुने संख्यालाई शून्यमा झार्ने उद्देश्यले मकवानपुर र सिन्धुपाल्चोकका केही पालिकाले पोसिलो खानेकुरा उपलब्ध गराउन थालेका छन् । सिन्धुपाल्चोकको बाह्रबिसे नगरपालिकाले स्वास्थ्य संस्थामा गएर सुत्केरी महिलालाई एक क्रेट अन्डा र तेल उपलब्ध गराउने गरेको छ ।
मकवानपुरको बकैया र ठिंगनको सीमामा देखिएको धुँवाको मुस्लो डढेलो भएको पुष्टि भएको छ । हवाइजहाज दुर्घटना भएको हुनसक्ने भन्ने खबर फैलिएपछि त्यहाँ पुगेको प्रहरी टोलीले यस्तो पुष्टि गरेको हो ।
मकवानपुरको दुर्गम गाउँका एक अग्निपीडितको राहत रकम सदरमुकाम आउजाउ गर्दा नै सकिएको छ । जिल्ला प्रशासनबाट लिएको राहत रकम उनले घरसम्म पुर्याउन सकेनन् । मकवानपुरको कैलाश गाउँपालिका–४ धुसाराङका सोमनानसिंह चेपाङको घर गत मंसिर १७ मा जलेर नष्ट भयो ।
