आगलागी हुँदा तीन घर जलेर नष्ट

धनकुटा — महालक्ष्मी नगरपालिका-५ स्थित रामबजार नजिक बिहीबार अपरान्ह आगलागी हुँदा तीन वटा घरमा क्षति पुगेको छ । अपरान्ह ४ बजेदेखि सुरु भएको आगोलागीबाट स्थानीय श्रीचन बुढाथोकी, सुर्यबहादुर श्रेष्ठ र देवीप्रसाद खड्काको घर जलेर नष्ट भएको प्रहरीले जनाएको छ ।

आगो नियन्त्रणको लागि धनकुटा नगरपालिकाको दमकलसहित प्रहरी तथा स्थानीयबासी खटिएको जनाइएको छ ।

प्रारम्भिक जानकारी अनुसार विद्युत् सर्टबाट आगलागी भएको जिल्ला प्रहरी प्रमुख एसपी श्यामसिंह चौधरीले बताए । घटनाको थप जानकारी आउन बाँकी रहेको उनले बताए ।

प्रकाशित : श्रावण १०, २०८१ १९:०१

प्रतिक्रिया

पठाउनुहोस्