राष्ट्रव्यापी खुला गायन प्रतियोगिताको प्रथम पुरस्कार विश्वकर्मालाई
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
खोटाङ — आइतबार सम्पन्न १८ वर्षमुनिका राष्ट्रव्यापी खुला गायन प्रतियोगितामा दिक्तेल रूपाकोट मझुवागढी नगरपालिका–९ का मिलन विश्वकर्मा प्रथम भएका छन् ।
![](https://assets-cdn.ekantipur.com/uploads/source/ads/900x100-1172024092759.gif)
![राष्ट्रव्यापी खुला गायन प्रतियोगिताको प्रथम पुरस्कार विश्वकर्मालाई](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/photo-1952024061858-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
खोटाङमा जारी प्रथम बृहत् खोटाङ–हलेसी खेलकुद, सांगीतिक, साहित्यिक पर्यटन महोत्सवको अवसरमा आयोजित गायन प्रतियोगितामा प्रथम भएका विश्वकर्माले ४० हजार नगद, मेडल र प्रमाणपत्र पाएका हुन् । त्यस्तै खोटेहाङ गाउँपालिका–७ खोटाङबजारका सुदीप विश्वकर्मा दोस्रो भएका छन् । उनले नगद २५ हजार, मेडल र प्रमाणपत्र पाएका छन् । तेस्रो हुने ऐसेलुखर्क गाउँपालिका–२ राखावाङदेलकी कञ्चन राईले नगद १७ हजार, मेडल र प्रमाणपत्र पाएकी छन् ।
चौथो हुने दिक्तेल रूपाकोट मझुवागढी नगरपालिका–१४ बुइपाकी अदिति शाक्यले नगद ११ हजार मेडल र प्रमाणपत्र तथा पाँचौं हुने दिक्तेल रूपाकोट मझुवागढी नगरपालिका–१२ जालपाका डेनिश राईले नगद ७ हजार मेडल र प्रमाणपत्र पाएका हुन् । कोसी प्रदेशका पूर्वसामाजिक विकासमन्त्री राजन राई, जिल्ला समन्वय समिति खोटाङका प्रमुख सनबहादुर राई, संगीतकार महेश खड्का, गायक रूपकुमार राई, कांग्रेस युवा नेता रोजन राई लगायतले पुरस्कार प्रदान गरेका हुन् । प्रतियोगितामा २६ जना सहभागी थिए ।
त्यस्तै संगीतकार महेश खड्का र गायिका पार्वती राई सम्मानित भएका छन् । नगद सात हजार सात सय ७७ रूपैयाँसहित दोसल्ला र सम्मानपत्रले सम्मानित भएका हुन् ।
![](https://assets-cdn.ekantipur.com/uploads/source/ads/900-x-100-0172024023126.gif)