जुम्लामा मार्सी रोपाइँको चटारो [तस्बिरहरू]
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
जुम्ला — यतिखेर जुम्ला रोपाइँमय भएकोछ । नगदेबालीका रुपमै लिईएको मार्सीधान रोप्न अहिले किसानहरु व्यस्त छन् । जुम्लाका किसानहरु यतिखेर गहुँ जौकाटेर खाली रहेको खेत जोतेर मार्सी रोपाइको चटारोमा छन् । मार्सी जुम्लाको चिसोपानीमा उत्पादन हुने गरेको छ । सरकारले गत मंगलबार संघीय सभामा प्रस्तुत गरेको बजेटमा जुम्लाको हिमा र तिला आसपासको क्षेत्रलाई मार्सी धान करिडोर विकासका लागि नयाँ परियोजना समेटेको छ ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/marsi-photo-story-10-0562024034119-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/marsi-photo-story-3-0562024034152-1000x0.jpg&w=1001&h=0)
सिंजा गाउँपालिका अध्यक्ष पूर्ण धितालकाअनुसार वैशाख महिना भित्रै जौ गहुँ भित्र्याई चैत दोस्रोसाता राखेको धानको बीउ जेठको पहिलो सातादेखि असारको दोस्रो सातासम्म रोपिन्छ । जुम्लामा उत्पादन हुने मार्सी चामलको माग देशभर बढिरहेकाले पनि यसको खेति बर्सेनि बढेको कृषि विकास कार्यालय जुम्लाले जनाएको छ । विश्वकै उच्च स्थानमा धान फल्ने पातारासी गाउँपालिकाको छुमचौरमा काली र रातो मार्सी रोपाइ सुरु भएको गाउँपालिकाका उपाध्यक्ष जनमाया रोकायाले बताईन् ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/marsi-photo-story-13-0562024034046-1000x0.jpg&w=1001&h=0)
जिल्लाका प्रसिद्ध चन्दननाथ, भैरवनाथ मन्दिरका नाममा रहेका शेरा ज्युलोमा मार्सी रोपाइ सम्पन्न भएको चन्दननाथ, भैरवनाथ गुठी व्यवस्थापन समितिका अध्यक्ष अमर थापाले बताए । पहिले चन्दननाथ बाबाको शेर जिउलोमा रोपाईं भएपछि मात्र जिल्लाका अन्य ज्युलाहरूमा रोपाईं हुन्थ्यो तर हाल त्यो प्रचलन हराउँदै गएको छ । चन्दननाथमा चढाउन पनि मार्सी धान रोप्ने गरिन्छ । जिल्लाको एक हजार दुई सय हेक्टरमा मार्सी धानखेती हुने गरेको कृषि विकास कार्यालयले जनाएको छ । तिला र हिमा नदी किनारमा रहेका खेत अहिले निक्कै आकर्षक छन् । मार्सी रोपाईमै परम्परागत स्थानीय पहिरनमा सजिएका महिलाहरूको सुरिलो भाका मात्र हैन नवविवाहित जोडिएको माइती र बेहुला पक्षहरूबीचमा हुने चोपाई खेल समेत हुने गरेको छ ।
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/marsi-photo-story-11-0562024034102-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/marsi-photo-story-31-0562024033939-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/marsi-photo-story-38-0562024033901-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/marsi-photo-story-35-0562024033845-1000x0.jpg&w=1001&h=0)
![](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/marsi-photo-story-15-0562024034028-1000x0.jpg&w=1001&h=0)
![](https://assets-cdn.ekantipur.com/uploads/source/ads/900-x-100-1-0282024055738.gif)