कर्मचारीको शिर निहुरियो
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
टेरामक्स खरिद विवादमा मुख्यसचिव वैकुण्ठ अर्याल नै मुछिनु आश्चर्यजनक छ । तर अझै पनि उनी नियमित कामका अलावा प्रधानमन्त्री पुष्पकमल दाहाल उपस्थित छलफलमा सहभागी हुनु र प्रधानमन्त्रीले उनीसँग यो प्रकरणमा अझै औपचारिक सोधपुछ नगर्नु पनि शंकास्पद मान्न सकिन्छ ।
![](https://assets-cdn.ekantipur.com/uploads/source/ads/comp-900x100-1672024010950.gif)
यस्तै क्रियाकलापले पूर्वप्रशासकहरूले ‘कर्मचारीको शिर निहुरियो’ भन्नु स्वाभाविकै हो । विगतका उच्च पदस्थ पदाधिकारीले यस्तै केसमा कतिसम्म नैतिकता देखाए वा देखाएनन् भन्ने विषयको उत्खननलाई हालको सन्दर्भमा जोडेर हेरिनुपछिका कुरा हुन सक्छन् ।
अख्तियारको अनुसन्धानमा रहेको व्यक्तिलाई यथावत् काममा लगाइराख्ने कि निष्क्रिय भूमिकामा राख्ने भन्ने कुरा राजनीतिक नेतृत्वको दायित्व पनि हो । तर, अदालतले दोषी ठहर नगरेसम्म जस्तोसुकै अपराध गरे पनि ऊ निर्दोष नै हुन्छ भन्ने मान्यता यहाँका राजनीतिक नेतृत्वले स्थापित गरिराखेको पृष्ठभूमिमा अर्याल निर्धक्क हुनु कुन नौलो कुरा हो र ?
–महेशप्रसाद ढुंगाना, नयाँ बानेश्वर काठमाडौं
![](https://assets-cdn.ekantipur.com/uploads/source/ads/900-x-100-0172024023126.gif)