सरकारको अनुभूति भएन

होइन भने अनियमित काण्डमा संलग्नमध्ये एक जनालाई पनि यो ५० दिनमा सरकारले अदालतमा किन पुर्‍याउन सकेन ? कहाँ भागे २५ काण्डका अभियुक्तहरू ? यो अवधिमा सरकारले अनियमित काण्डमा न एउटा मुद्दा दर्ता गराउन सकेको छ न त अभियुक्तहरू नै पक्राउ गरेको छ । सरकारको न्यूनतम साझा कार्यक्रम पनि अझै आउन सकेको छैन ।

सामान्यतया सरकार गठन भएको २/४ दिनमै न्यूनतम साझा कार्यक्रम आउने चलन थियो । यसर्थ, सरकारले जनताको विश्वास जित्न यथाशीघ्र साझा कार्यक्रम बनाएर आश्वस्त पार्नुपर्छ । सरकारमा रहेका दलको सहमतिमा आगामी दुई वर्षभित्र जनताको हितमा यो यो काम गर्नेछौं भनेर दस्ताबेज सार्वजनिक गर्नुपर्छ ।
– गोपाल देवकोटा,गोकर्णेश्वर, काठमाडौं