सतिशकुमार सिंह : पालिका अध्यक्ष हुँदै मधेशको मुख्यमन्त्रीसम्म
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
राजविराज — मधेश प्रदेशको मुख्यमन्त्रीमा जनमत पार्टीका सांसद सतिशकुमार सिंह नियुक्त भएका छन् । शुक्रबार प्रदेश प्रमुख सुमित्रा सुवेदी भण्डारीले सिंहलाई मुख्यमन्त्रीमा नियुक्त गरेकी हुन् । नेकपा एमालेसहित ६ दलका ५५ जना सांसदको समर्थनमा ४२ वर्षीय सिंह मुख्यमन्त्री बनेका हुन् ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![सतिशकुमार सिंह : पालिका अध्यक्ष हुँदै मधेशको मुख्यमन्त्रीसम्म](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/politics/madhesh-cm-shing-0762024075030-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
सप्तरीको तिलाठी कोइलाडी गाउँपालिका वडा नम्बर ४ तिलाठीका स्थायी बासिन्दा हुन् सिंह । सिंह ०७९ सालको स्थानीय तहको निर्वाचनमा तिलाठी कोइलाडी गाउँपालिका अध्यक्षमा राजपाबाट उम्मेदवार भई पराजित भएका थिए । तर ०७९ भदौमा जनमत पार्टीमा प्रवेश गरी सप्तरीको निर्वाचन क्षेत्र नम्बर २(१) बाट प्रदेशका तात्कालीन अर्थमन्त्री शैलेन्द्रप्रसाद साहलाई पराजित गर्दे प्रदेशसभा सदस्यमा सिंह चुनिए । सिंहले १६ हजार ७ सय ३४ मत प्राप्त गरेका थिए । सप्तरी–२ जनमत अध्यक्ष सीके राउत निर्वाचित भएको क्षेत्रसमेत हो ।
०५२/५३ सालमा राजविराजस्थित राजदेवी माध्यमिक विद्यालयमा अध्ययनकै क्रममा सिंहले गरिरहदा तात्कालीन सदभावना पार्टीको विद्यार्थी संगठन विद्यार्थी मञ्चको सदस्यता लिएका थिए । अध्ययनका लागि उनी सन् २००१ देखि २००४ सम्म झारखण्डको राँची गएपछि नेपालमा उनको राजनीतिक यात्रामा विराम लागेको थियो ।
दोस्रो संविधानसभाको निर्वाचनपूर्व उनी शरतसिंह भण्डारीको नेतृत्वमा रहेको तत्कालीन राष्ट्रिय मधेश समाजवादी पार्टीमा प्रवेश गरेर जिल्ला अध्यक्ष भएका थिए । मधेशकेन्द्रित ६ वटा दल मिलेर राजपा गठन भएपछि सिंह उक्त पार्टीको पनि जिल्ला अध्यक्ष भए ।
राजपाबाट उनी सप्तरीको तिलाठी कोइलाडी गाउँपालिकाको अध्यक्ष पदमा ०७४ को स्थानीय तह निर्वाचनमा उम्मेदवार भएका थिए । सो निर्वाचनमा उनी पालिका अध्यक्षमा निर्वाचित भएका थिए । पाँच वर्षसम्म तिलाठी कोइलाडी गाउँपालिका हाँकेका सिंह ०७९ सालको स्थानीय तहको निर्वाचनमा पुनः राजपाबाटै पालिका अध्यक्षमा उम्मेदवार भए ।
तर पालिका अध्यक्षमा उनले दास्रो पटकको यात्रा अगाडि बढाउन सकेनन् । कांग्रेसका अरुणकुमार मण्डलबाट उनी पराजित भएका थिए । त्यसपछि उनी ०७९ भदौमा सीके राउत नेतृत्वको जनमत पार्टी प्रवेश गरेका थिए ।
![](https://assets-cdn.ekantipur.com/uploads/source/ads/900-x-100-0172024023126.gif)