सप्तरीको कंचनरुप नगरपालिका-५ पडेमारास्थित दलित बस्तीमा आइतवार आगलागी हुँदा १२ परिवारका २४ वटा घर जलेर नष्ट भएको छ । स्थानीय लालमोहन सदारको गोठमा बालिएको चुल्होबाट दिउँसो ३ बजेतिर आगो सल्किएको थियो ।
राष्ट्रपति रामचन्द्र पौडेलले कोशी-कमला डाइभर्सन छिटो भन्दा छिटो सञ्चालन गर्न नेपाल सरकारसँग आग्रह गरेका छन् । सप्तरीको छिन्नमस्ता गाउँपालिकास्थित प्रसिद्ध छिन्नमस्ता भगवती मन्दिरमा मंगलबार पूजा पश्चात् आयोजित अभिनन्दन कार्यक्रममा राष्ट्रपति पौडेलले कृषि क्रान्ति गर्न सक्ने सप्तरीलगायतका जिल्लाहरू सुख्खा र खडेरीको समस्याबाट गुज्रिरहेको अवस्थामा कोशी-कमला डाइभर्सन सञ्चालन भए सुख्खाको समस्या समाधान हुने विश्वास व्यक्त गरे ।
लागुऔषध गाँजा सप्तकोसी नदीबाट डुंगामा राखेर भारततर्फ तस्करी हुने गरेको पुष्टि भएको छ । सप्तरीको कोसी ब्यारेज क्षेत्रबाट भारततर्फ लागुऔषध गाँजाको कारोबार हुँदै आएकोबारे चर्चा हुने गरेको थियो । यसपटक प्रहरीले त्यो घटनाको पुष्टि गरेको हो ।
जनता समाजवादी पार्टी (जसपा) अध्यक्ष समेत रहेका उपप्रधानमन्त्री एवम् स्वास्थ्य तथा जनसंख्यामन्त्री उपेन्द्र यादवले विकास कार्यका लागि अनुकुल बातावरण सृजना गर्न आग्रह गरेका छन् ।
सरकारले सप्तरीको रामराजाप्रसाद सिंह स्वास्थ्य बिज्ञान पव्रतिष्ठान पुर्वाधार तयारी विकास समितिको रिक्त अध्यक्ष पदमा प्राध्यापक डाक्टर पशुपति चौधरीलाई बिहीबार नियुक्त गर्ने निर्णय गरेको छ । मन्त्रिपरिषदको बिहीबारको बैठकले सप्तरी निवासी डा. चौधरीलाई अध्यक्ष पदमा नियुक्त गर्ने निर्णय गरेको सञ्चार तथा सूचना प्रविधिमन्त्री रेखा शर्माले जानकारी दिइन् ।
एसइई परीक्षाको मर्यादा उल्लंघन गरेको आरोपमा बिहीबार सप्तरी जिल्लामा ६० विद्यार्थीको परीक्षा रद्द गरिएको छ । परीक्षा केन्द्रमा मोबाइलबाट प्रश्नपत्र बाहिर पठाइ बाहिरबाट मोवाईल मार्फत उत्तर ल्याउने कार्यमा सक्रिय ६० विद्यार्थीको परिक्षा रद्द गरिएको शिक्षा समन्वय इकाईका प्रमुख विजयकुमार मण्डलले जानकारी दिए ।
राजश्व छलीको आरोपमा पक्राउ परेका सिरहाको गोलबजारस्थित शारदा डिस्टिलरी प्रालिका सञ्चालक प्रमोद गोयन्का दुई करोड ३८ लाख ५१ हजार ६ सय ३३ रुपैयाँ धरौटीमा मंगलबार तारेखमा रिहा भएका छन् ।
