एमाले–कांग्रेस गठबन्धन कहिलेसम्म ?
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
नेपालको राजनीतिमा सरकार बनाउने र गिराउनेबाहेक केही खेल भएन । नेताहरूलाई जनता र राष्ट्रभन्दा कुर्सी प्यारो भयो, जसको परिणाम राजनीति अस्थिर बन्न गयो । अब बन्ने नयाँ सरकारको नेतृत्व केपी ओलीले गर्ने भन्ने समाचार आएको छ । यसभन्दा अघि उनी प्रधानमन्त्री नबनेका होइनन् । अब बनेर के गर्लान् ?
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
निर्वाचन भएको दुई वर्षसम्म एउटा दलले सरकार चलाउन पाउँदैन, सक्दैन भने देशमा राजनीतिक स्थिरताचाहिँ कहिले आउला ? देशलाई सधैँ राजनीतिक बन्धक बनाउने हो ? जनतालाई धोका दिनेबाहेक दलका नेताले केही जानेनन् ।
सोमबार राति एमाले र कांग्रेस मिलेर सरकार बनाउने सहमति भएको छ । पहिला एमालेको नेतृत्वमा सरकार बन्ने र पछि कांग्रेसको नेतृत्वमा सरकार बन्ने सहमति भएको छ । अब प्रचण्ड नेतृत्वको सरकार ढल्नेछ ।
कांग्रेस र एमाले मिलेर पहिले नै सरकार बनाउनुपर्थ्यो, बनाएनन् । अब पनि एमाले र कांग्रेस सरकार लामो समय टिक्ला भन्न सकिने आधार छैन । सरकारमा किन जाने, प्रधानमन्त्री किन बन्ने भन्ने प्रस्ट भिजन नै नेताहरूमा छैन । अनि कसरी हुन्छ ?
– पुरुषोत्तम घिमिरे, जोरपाटी, काठमाडौं
![](https://assets-cdn.ekantipur.com/uploads/source/ads/900-x-100-0172024023126.gif)