'कसैलाई माया गर्नु एउटा भूल गरें मैले’ समाचारमाfacebook.com/eKantipur बाट लिइएका केही टिप्पणी :
रमेश लेखकले संसद्मा भनेको कुरा याद आयो कि नाइँ ? ‘धोका दिन बाँकी कोही छैन, सबै धोका पाएका एकजुट भए भने तपाईंको हालत के होला ?’
– रमेश नौन्याल
पटक–पटक भएका छन् यस्ता भूल । पहिलो भूल, गिरिजाप्रसादलाई राष्ट्रपति बन्न रोक्नु । दोस्रो भूल, रुक्मांगद कटवाल काण्ड । पछिल्लो, कांग्रेसलाई धोका दिएर एमालेसँग गठबन्धन । अब यो अन्तिम भूल हुन सक्छ, भूल गर्ने मौका आउनुअगाडि नै पार्टी विसर्जन हुन सक्छ ।
– रमेश पौड्याल
प्रचण्डले देउवालाई लोभ्याउन सक्छन् । कांग्रेस र एमाले मिल्ने हो भने संसद्मा दुवै दललाई मुख्य–मुख्य मन्त्रालय बराबरी जसो चाहियो । कांग्र्रेस र माओवादी मिल्ने हो भने धेरैजसो मुख्य मन्त्रालय कांग्रेसले पाउँछ । यो हिसाबले सत्तामा टिक्न मात्रै भए नि बाहिर आएका हल्लालाई चिर्दै अझै उथलपुथल बनाउन सक्छन् प्रचण्डले ।
– राम बस्याल
जवाफ फर्काएस् प्रतीक्षा गर मेरी मायालु समयले मानिसलाई कहाँ–कहाँ पुर्याउँछ...
– बासु दाहाल
आफ्नो घर सिसाको बनाउने अनि अरूको घरमा ढुंगाले हान्ने भएपछि यस्तै हुन्छ । अरूले पनि हाने भने आफ्नो के हाल हुन्छ, ख्याल गर्नुपर्छ ।
– राजेन्द्र लामा
प्रधानमन्त्री हुनुभन्दा पहिला पनि एमालेलाई धोका दिएर कांग्रेससित जाँदा फत्तेमानको गीत नै गाएको भए राम्रो हुन्थो कि !
– जनक सापकोटा
२० दिनमा ३० वटा फाइल खोल्नुस्, १–२ सय जनालाई जेल हाल्नुस् । भ्रष्टाचारी बचाउन सडकमा आउलान्, सेना–पुलिस तपाईंको साथमा छन् । यति गर्न सक्नुहुन्न भने राजीनामा दिएर खरानी धस्नुस् । यो अन्तिम मौका हो ।
– याम थापा
संसद्मा विश्वासको मत नपाएर खिस्स पर्नुभन्दा राजीनामा दिनु उत्तम होला । हुन त पदलोलुप प्रचण्डमा यतिको नैतिकता कहाँ होला र ?
– नरेन थापा
ओलीलाई अदालतले बर्खास्त गर्दा बेइज्जत भएन, शेरबहादुरलाई ज्ञानेन्द्रले अक्षम भनेर बर्खास्त गर्दा बेइज्जत भएन । प्रचण्डले संविधानसम्मत संसद्मा विश्वासको मत लिन्छु भन्दा बेइज्जत हुने रे !
– जगन्नाथ पाठक
हजुरले सधैं अरूलाई धोका दिँदै आउनुभयो । आज फेरि त्यही धोका आफैं खानुभयो । त्यसैले आफ्नो कर्मको फल आफैं भोग्नुपर्छ । अब यसबाट पाठ सिकेर कोही कसैलाई धोका नदिनु होला ।
– भेषराज खत्री