लागूऔषध सेवन गरी सवारी चलाउने ६ जना चालक पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — लागूपदार्थ सेवन गरी सार्वजनिक सवारी साधन चलाएको भेटिएपछि ६ जना चालक पक्राउ परेका छन् । काठमाडौं उपत्यका ट्राफिक प्रहरी कार्यालय र लागू औषध नियन्त्रण व्यूरोको संयुक्त टोलीले नागढुंगाबाट सार्वजनिक बस/ माइक्रो तथा ट्रकका ६ जना चालकलाई पक्राउ गरी थप अनुसन्धानका लागि प्रहरी वृत्त थानकोटको जिम्मा लगाएको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![लागूऔषध सेवन गरी सवारी चलाउने ६ जना चालक पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/pakrau-1532024114317-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
उपत्यका ट्राफिक प्रहरी कार्यालयका प्रवक्ता एसपी विश्वराज खड्काका अनुसार प्रतिबन्धित लागूऔषध सेवन गरी सवारी साधन चलाएको कसुरमा उनीहरुलाई पक्राउ गरिएको हो ।
बागमती प्रदेश ०६–००१ ज ०१ ७२ नम्बरका माइक्रो बसका चालक चितवन भरतपुरका २५ वर्षीय अनिक चौधरी, प्रदेश २–०३ ००१ ख ४५ ६२ नम्बरका ट्रक चालक मकवानपुर हेटौडाका ३० वर्षीय प्रकाश तामाङ, बा १३ च ४८ ५३ नम्बरका पिकअप भ्यानका चालक मकवानपुर थाहा नगरपालिकाका २३ वर्षीय प्रकाश गोले, बा १७ च १७ १४ नम्बरका भ्यान चालक बाँके कोहलपुरका ४२ वर्षीय विनोद चौधरी, ग १ ख १५ ६७ नम्बरका बस चालक तनहुँ म्याग्दी गाउँपालिकाका ३९ वर्षीय कर्णबहादुर गुरुङ र ना ७ ख ०५ २७ नम्बरका भाडा ट्यांकर चालक मकवानपुरको हेटौडाका ४८ वर्षीय रविलाल मानन्धर पक्राउ परेका हुन् ।
उनीहरुमाथि अवैध लागूऔषध सेवनको कसुरमा अनुसन्धान अघि बढेको प्रहरीले जनाएको छ । मादक पदार्थ सेवन विरुद्ध २०६८ सादलबाटै प्रहरीले देशभर विशेष अभियान चलाउँदै आएकोमा २ वर्ष अघिबाट उपत्यका भित्र लागूऔषध सेवन गर्ने चालकविरुद्ध पनि कारबाही अभियान थालिएको थियो ।
यसका लागि ट्राफिक प्रहरीले छुट्टै किटको प्रयोग गरी चालकले लागूऔषध सेवन गरे/नगरेको पत्ता लगाउन प्रहरी अस्पताल र लागूऔषध नियन्त्रण व्यूरोबाट सहयोग लिँदै आएको छ । शुक्रबार पक्राउ परेका यातायातका चालकहरुको पिसाव परीक्षण गर्दा लागूऔषध सेवन गरेको खुलेको हो । उनीहरुले सेवन गर्ने लागूऔषध कुन किसिमको हो भन्ने अनुसन्धान भइरहेको प्रहरीले जनाएको छ ।
यसअघिका विभिन्न परीक्षणबाट चालकले गाँजा र चरेस तथा केहीले हेरोइनसम्म सेवन गर्ने गरेको भेटिएको थियो । नेपाल प्रहरी अस्पतालको प्राविधिक टोलीले उनीहरूको पिसाव ड्रग्स किट’मा राखेर परीक्षण गर्दा लागूऔषध सेवन गरेको भेटिएको थियो । एसपी खड्काका अनुसार शुक्रबार २५ वटा सबारी साधनका चलकको पिसाव परीक्षण गर्दा ६ जनाले लागूऔषध सेवन गरेको भेटिएको थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)