मिस युनिभर्स नेपालका लागि आवेदन खुला

हरेक वर्षजस्तै सबै क्षेत्रका महिलालाई समावेश गर्दै मिस युनिभर्स नेपाललाई थप समावेशी बनाउन प्रतिबद्ध रहेको मिस युनिभर्स नेपालका नेसनल डाइरेक्टर संगीता पुरीले बताइन् । प्रतियोगिताको आवेदन जेठ १ देखि असार १ सम्म खुला रहनेछ ।

इच्छुक महिलाले खल्ती एप अथवा मिस युनिभर्सको आधिकारिक सामाजिक सञ्जालमा राखिएको वेबसाइटमार्फत अनलाइन फाराम भरेर आवेदन दिन सक्नेछन् । आवेदन खुला हुने अवधिभर सातै प्रदेशमा विभिन्न कार्यक्रम पनि सञ्चालन गरिने ग्लोबल ग्लामर भेन्चरले जनाएको छ ।

उच्च माध्यमिक शिक्षा पूरा गरेका १८ वर्षभन्दा माथिका महिलाले प्रतियोगितामा आवेदन दिन पाउनेछन् । उचाइ, तौल र वैवाहिक स्थितिजस्ता अन्य कुनै कुराको प्रतिबन्ध नभएको मिस युनिभर्समा नेपालीका साथै गैरआवासीय नेपाली महिलाले पनि सहभागिता जनाउन पाउनेछन् ।