३० हिमालमध्ये सगरमाथा एक्लैको कमाइ झन्डै ८८ प्रतिशत
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — नेपालका विभिन्न ३० हिमाल आरोहण गर्ने ओरोहीहरूबाट सरकारलाई कुल ६७ करोड ४८ लाख १४ हजार ५ सय १ रुपैयाँ राजश्व प्राप्त भएको छ । कुल रोयल्टीमध्ये सगरमाथा आरोहणबाट प्राप्त रोयल्टीको हिस्सा मात्रै कुल रोयल्टीमा ८७.८१ प्रतिशत छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![३० हिमालमध्ये सगरमाथा एक्लैको कमाइ झन्डै ८८ प्रतिशत](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/everestbasecamp-3-1152024022557-1000x0-1252024032758-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सगरमाथामा यो सिजनमा ४१ आरोहण दलका ७५ महिला र ३ सय ३९ पुरुष सहित ४ सय १४ जनाले आरोहणको अनुमति लिएका छन् ।
यो सिजनमा सगरमाथा पछि सबैभन्दा धेरै हिमाल आरोहणको अनुमति सोलुखुम्बुकै ल्होसे हिमालका लागी दिइएको छ । ल्होसे हिमाल आरोहण गर्ने दलहरूबाट मात्रै सरकारले ३ करोड ४० लाख ३४ हजार २ सय ३८ रुपैयाँ प्राप्त गरेको छ । यो रकम भनेको कुल रोयल्टी हिस्साको ५.०४ प्रतिशत हो । ल्होसे हिमालमा यो सिजनमा १३ आरोहण दलका ११८ पुरुष र २५ महिला गरी १ सय १ सय ४३ जनाले आरोहणको अनुमति लिएका छन् ।
ल्होसेपछि धेरै रोयल्टी मकालु हिमाल आरोहण गर्ने दलहरूबाट प्राप्त भएको देखिन्छ । मकालु हिमाल आरोहणबाट कुल रोयल्टी हिस्साको २ प्रतिशत अर्थात १ करोड ४१ लख २६ हजार ४ सय रुपैयाँ प्राप्त भएको छ । यो सिजनमा मकालु हिमाल आरोहणको अनुमति ६ आरोहण दलका ४० पुरुष र १९ महिला गरी ५९ जनाले लिएका छन् ।
सगरमाथा, ल्होसे र मकालु बाहेकका अन्य २७ हिमाल आरोहणबाट कम्तीमा १ करोड भन्दा कम राजश्व रकम प्राप्त भएको देखिन्छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)