ट्रेजरी बिलमार्फत २४ अर्ब ७० करोड रुपैयाँ आन्तरिक ऋण उठाइँदै
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
काठमाडौँ — सरकारले ट्रेजरी बिलमार्फत २४ अर्ब ७० करोड रुपैयाँ आन्तरिक ऋण उठाउन लागेको छ । यसका लागि सार्वजनिक ऋण व्यवस्थापन कार्यालयले बोलकबोल आह्वान गरेको छ । परिपक्व अवधि सकिएका ट्रेजरी बिल पुनः बिक्रीका लागि कार्यालयले बोलकबोल आह्वान गरेको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![ट्रेजरी बिलमार्फत २४ अर्ब ७० करोड रुपैयाँ आन्तरिक ऋण उठाइँदै](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/finance-1532024055014-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
जसअनुसार ५ अर्ब रुपैयाँको २८ दिने, ७ अर्ब ७० करोड रुपैयाँको ९१ दिने, ५ अर्बको १ सय ८२ दिने र ७ अर्ब रुपैयाँ बराबरको ३ सय ६४ दिने ट्रेजरी बिलका लागि बोलकबोल मागिएको छ । ट्रेजरी बिलका लागि कार्यालयले सोमबार (वैशाख ३ गते) दिउँसो ३ बजेसम्म बोलकबोल गर्न आग्रह गरेको छ । मंगलबार (वैशाख २४ मा) ट्रेजरी बिल जारी (वितरण) गरिनेछ ।
पछिल्लो पटकको बोलकबोलमा ३.२६ प्रतिशत भारित औसत ब्याजदर तय भएको छ । बैंक तथा वित्तीय संस्थाले सबैभन्दा बढी ३.४ प्रतिशत र सबैभन्दा कम २.४ प्रतिशत ब्याजदरमा बोलकबोल गरेका थिए । अहिले सरकारले यसअघि आन्तरिक ऋण संकलन गरेकोमध्ये परिपक्व अवधि पुगेका ट्रेजरी बिल पुनः बिक्री गरिरहेको छ । सोही क्रममा सरकारले केही ट्रेजरी बिलको पैसा भुक्तानी गरेको छ भने केहीको पुनः बिक्री गरिएको हो ।
यसअघि राष्ट्र बैंकले सरकारको आन्तरिक ऋण उठाउँदै आएकोमा गत चैत १९ देखि उक्त काम सार्वजनिक ऋण व्यवस्थापन कार्यालयले गर्दै आएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)