इंग्लिस प्रिमियर लिग : उल्भ्सलाई हराएर आर्सनल फेरि शीर्षमा

लियोनार्ड ट्रोसार्डले पहिलो हाफको अन्त्यतिर पहिलो गोल गरेपछि आर्सनलका लागि कप्तान मार्टिन ओडगार्डले दोस्रो गोल थपे । यो जितपछि आर्सनलको ७४ अंक भएको छ र यो दोस्रोमा झरेको म्यानचेस्टर सिटीमाथि एक अंकको अग्रता हो ।

शनिबारकै अन्य खेलमा ब्रेन्टफोर्डले लुटन टाउनलाई ५–१ ले हरायो । यस्तै बर्नलीले सेफिल्ड युनाइटेडमाथि ४–१ को जित निकाल्यो । बर्नलीको यो जितले रेलिगेसनबाट बच्ने सम्भावना कायम रह्यो । बर्नली २३ अंकमा पुछारबाट दोस्रोमा छ ।