![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
पाँचथर — चौथो संस्करणको वाईवाई पाँचथर गोल्डकपको फाइनल खेल आज हुँदैछ । दिउँसो २ बजे फिदिम माविको खेल मैदानमा हुने फाइनलमा उपाधिका लागि आयोजक पाँचथर क्लब र विभागीय टिम त्रिभुवन आर्मी क्लब भिड्ने भएका छन ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![पाँचथर गोल्डकपको फाइनल आज](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/sports/upadhee-jitne-dabee-0232024025448-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
आयोजक टिम सेमिफाइनलमा वाग्मती फुटबल क्लब सर्लाहीलाई हराउँदै फाइनल प्रवेश गरेको हो भने त्रिभुवन आर्मी क्लब झापा फुटबल क्लब झापालाई हराउँदै फाइनल यात्रा तय गरेको हो ।
फाइनलको पूर्व सन्ध्यामा खेल मैदानमा आयोजित पत्रकार सम्मेलनमा बोल्दै उपाधि दाबेदार त्रिभुवन आर्मी र आयोजक पाँचथर क्लबका कप्तान र प्रशिक्षकले एक अर्काको कमजोरी पत्ता लगाएर रणनीतिक तरिकाले खेल्दै उपाधि जित्ने दाबी गरे ।
पाँचथर क्लबका कप्तान रोशन आङदेम्बेले घरेलु मैदानमा त्रिभुवन आर्मी जस्तो मजबुत क्लबसँग स्पर्धा गर्न पाउनु आयोजक टिमका लागि अवसर भएको टिप्पणी गरे ।
आर्मीले शक्ति प्रदर्शनसहित खेल खेल्ने भएपनि खेलाडीहरुमा धेरै त्रुटी भेटिएकाले विपक्षी टिमको कमजोरी पत्तो लगाँउदै खेलेर उपाधी जित्ने उनको दाबी थियो ।
त्रिभुवन आर्मी क्लबले पनि आयोजक टिमलाई मजवुद पतिश्पर्धीका रुपमा टिप्पणी गरेको छ । अघिल्ला दुइवटा खेलको अवस्था हेर्दा आयोजक टिमलाई कमजोर आक्न नहुने भएकाले खेलाडीका झिना मसिना त्रुटि पहिल्याएर खेल्ने र उपाधि जितेरै छाड्ने प्रशिक्षक आदर्श मल्लको दाबी छ ।
स्थानीय खेलाडीका साथ घरेलु मैदानमा आर्मीसँग प्रतिस्पर्धा गर्न लागेको आयोजक टिम ९० प्रतिशत भन्दा धेरै दर्शकको साथ पाउनेमा विश्वस्त छ भने त्रिभुवन आर्मी क्लब खेल र खेलाडीको अवस्था हेरेर ५० प्रतिशत दर्शकले आफ्नो टिमलाई साथ दिने दाबी गर्छ ।
फागुन १२ गतेदेखि जारी चौथो संस्करणको पाँचथर गोल्डप फुटबल प्रतियोगितामा नेपाल र भारतका ८ टिम सहभागी थिए । जसमध्ये ४ टिम पहिलो र २ टिम दोस्रो चरणबाट बाहिरिए ।
प्रतियोगिताको विजेता टिमले नगद ५ लाख ५ हजार र उपविजेताले २ लाख ५५ हजार रुपैयाँ पुरस्कार पाउने आयोजक पाँचथर क्लबले जनाएको छ । पाँचथर गोल्डकप जिल्लाको सर्वाधिक राशीको प्रतियोगिता हो ।
![](https://assets-cdn.ekantipur.com/uploads/source/ads/900-x-100-1-0282024055738.gif)