न्यु होराइजन र नेपथ्य विजयी
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रुपन्देही — रुपन्देहीको भैरहवामा मंगलबार सुरु दोस्रो जिल्लास्तरीय अन्तर कलेज साई ग्लोबल कप टी–२० क्रिकेट प्रतियोगितामा न्यु होराइजन ‘बी’ र नेपथ्य कलेज विजयी सुरुआत गरेका छन् ।
![](https://assets-cdn.ekantipur.com/uploads/source/ads/900x100-1172024092759.gif)
![न्यु होराइजन र नेपथ्य विजयी](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/1708428757776-2122024015603-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
रुपन्देही क्रिकेट संघको आयोजना तथा साई ग्लोबल एकेडेमीको प्रायोजनमा भएको प्रतियोगिताको उद्देश्य तल्लो तहबाटै खेलाडी उत्पादनमा टेवा दिने रहेको छ । भैरहवास्थित सिद्धार्थ क्रिकेट रंगशालामा न्यु होराइजनले मुनलाइट बोर्डिङलाई २३ रनले हरायो ।
टस जितेको होराइजनले २० ओभरमा ८ विकेट गुमाई १ सय ४० रन बनायो । प्रकाश गिरीले सर्वाधिक ४६, आरिफ खान र रञ्जित मौर्यले २३–२३ तथा सिद्धार्थ ढकालले १७ रन बताए । मुनलाइटका जैनउद्दिन अन्सारीले ४ विकेट लिए । भानुभक्त पाण्ड्येले २, अनिष यादव र सुरज खड्काले १–१ विकेट लिए ।
मुनलाइटले ७ विकेट गुमाई १ सय १७ रनमात्र बनाउन सक्यो । अनिष यादवले २८, सुरज खड्काले अविजित २६, शिवकान्त यादवले १३ रन बनाउनुबाहेक अन्य ब्याटरले दोहोरो अंक छुन सकेनन् । होराइजनका शुभम पाण्ड्येले ३, आरिफ खान, प्रकाश गिरी, भोजराज सापकोटा र सिद्धार्थ ढकालले १–१ विकेट लिए । न्यु होराइजनका प्रकाश गिरी म्यान अफ द म्याच भए ।
अर्को खेलमा नेपथ्यले सीसीटी कलेजलाई ४७ रनले हरायो । टस हारेको नेपथ्यले निर्धारित ओभरमा ६ विकेट गुमाई १ सय ३६ रन बनायो । कृष्ण कार्कीले ४३, अमृत बकबलले ३३ र विमर्श थापाले ११ रन जोडे । सीसीटीका अमित तिवारी र अभिषेक पाण्ड्येले २–२ विकेट लिए ।
जवाफमा सीसीटी १७.४ ओभरमा ८९ रनमै समेटियो । अमन बोहराले ५१ रनको अर्धशतकीय इनिङ्स खेले पनि जितलाई पर्याप्त भएन । सीसीटीलाई सस्तैमा रोक्न नेपथ्यका कृष्ण भुसालले ४ विकेट लिए । तिलक भुसालले ३, स्वस्तिक पाण्डेले २ र कृष्ण कार्कीले १ विकेट झारे । नेपथ्यका कृष्ण भुसाल म्यान अफ द म्याच भए ।
जिल्लाका २६ टिमको सहभागिता रहेको प्रतियोगिता विजेताले ५० हजार र उपविजेता २५ हजार रुपैयाँसहित ट्रफी जित्नेछन् ।
![](https://assets-cdn.ekantipur.com/uploads/source/ads/900-x-100-0172024023126.gif)