अघिल्लो दिन एक खेलाडीले बढीमा व्यक्तिगत चार स्पर्धामा मात्र सहभागी हुन पाउने नयाँ नियम लागू गर्ने घोषणा गरेको नेपाल पौडी संघले फेरि सबै स्पर्धामा खेल्न पाउने निर्णय गरेको छ ।
रेफ्रीलाई धकेलेको आरोपमा क्रिस्टियानो रोनाल्डोलाई स्पेनिस फुटबल महासंघले सोमबार ५ खेलमा निलम्बित गरेको छ । रियलले आइतबार बार्सिलोनामाथि स्पेनिस सुपरकपमा ३–१ को जित हात पारेको सो खेलमा रोनाल्डोलाई उक्त कार्यका लागि रातो कार्ड पनि दिइएको थियो ।
नेपालले हङकङसँग हुने विश्व क्रिकेट लिग च्याम्पियनसिपको खेलका लागि सोमबार २५ सदस्यीय प्रारम्भिक टोली घोषणा गरेको छ । नेपालले छैटौं चरणको खेल अक्टोबर १३ र १५ मा हङकङमा गएर खेल्ने कार्यक्रम छ ।
चर्च ब्वाइज क्लब, काठमाडौंले सोमबार पाथीभरा गोल्डकप फुटबल प्रतियोगिताको उपाधि जितेको छ । उसले सगरमाथा युथ क्लब, मोरङलाई ३–० ले पराजित गर्यो । चर्च ब्वाइजका जाङबु शेर्पाले १२, राज पौडेलले १९ र राजकुमार कन्दङवाले ४९ औं मिनेटमा गोल गरे ।
नेपाली क्रिकेट अम्पायरद्वय बुद्धिबहादुर प्रधान र दुर्गानाथ सुवेदीले २९ औं साउथ इस्ट एसियन (सी) गेम्समा निर्णायकको भूमिका निभाउने भएका छन् । मलेसियामा सेप्टेम्बर १७ देखि २९ सम्म हुने प्रतियोगिताका लागि दुवै मंगलबार क्वालालम्पुर प्रस्थान गर्दैछन् ।
खोलामा नुहाउने क्रममा बास्केटबल संघ इलामका अध्यक्ष रोहन आचार्य बेपत्ता भएका छन् । माई खोलाको राजदुवालीमा नुहाउने क्रममा सोमबार दिउँसो खोलाले उनलाई बगाएको हो ।
वर्ष २०७३ मा प्राप्त उपलब्धि र चर्चाको आधारमा पिपुल्स च्वाइस अवार्ड २०७३ का लागि सोमबार ५ खेलाडी मनोनयन गरिएको छ । यसका लागि एसएमएस भोटिङ र फेसबुक लाइक सुरु भएको छ ।
रविचन्द्रन आश्विनले चार विकेट लिएपछि भारतले सोमबार तेस्रो टेस्टमा श्रीलंकालाई तीन दिनभित्र एक इनिङ्स र १ सय ७१ रनले हराएको छ । यससँगै तीन टेस्टको सिरिजमा भारतले क्लिन स्विप पनि गरेको छ ।
कीर्तिमानी स्वीमर गौरिका सिंहलाई अस्वाभाविक रूपमा नेपाल पौडी संघले रोक्ने प्रयास गरिरहेको छ । सीमित स्पर्धामा मात्र खेल्न पाउने विश्वमै कतै नभएको नियम लागू गर्नेदेखि प्रतियोगिता सार्नेसम्म हर्कत संघले गरिरहेको छ ।
एसीसी यू–१९ इस्टर्न रिजन प्रतियोगिताका लागि नेपालले आइतबार २८ सदस्यीय प्रारम्भिक टोलीको घोषणा गरेको छ । प्रतियोगिता मलेसियामा सेप्टेम्बर ८ देखि १७ सम्म आयोजना हुनेछ ।
अन्तर्राष्ट्रिय मान्यताप्राप्त नेपाल ओलम्पिक कमिटी (एनओसी) का अध्यक्ष जीवनराम श्रेष्ठले आफ्नो कमिटीले समन्वय गर्न पाएन भने १३ औं दक्षिण एसियाली खेलकुद (साग) आयोजना नेपालमा हुन नसक्ने बताएका छन् ।
बन्दी सहायता नियोग (पाम) का रोशनबहादुर दोङ र त्रिभुवन आर्मी क्लबकी मनीता श्रेष्ठ प्रधान आठौं अम्बिकाबहादुर क्षेत्री स्मृति खुला जुडो प्रतियोगितामा उत्कृष्ट खेलाडी चुनिए । दुवै आ–आफ्नो तौल समूहका विजेता हुन् ।
पाथीभरा गोल्डकप फुटबल प्रतियोगिताको उपाधिका लागि सोमबार सगरमाथा युथ क्लब, मोरङ र चर्च ब्वाइज क्लब, काठमाडौं भिड्दै छन् । सगरमाथाले आइतबार सशस्त्र प्रहरी बल दमकलाई २–१ ले पराजित गर्यो ।
इङलिस प्रिमियर लिगको नयाँ सिजनको पहिलो चरणमा म्यानचेस्टर युनाइटेड सबैभन्दा शानदार सुरुआत लिने टिम बनेको छ । उसले आइतबार रातिको खेलमा वेस्ट ह्यामलाई ४–० ले हरायो ।
२४.१२°C काठमाडौं
