छुट्टाछुट्टै घटनामा नुवाकोटमा ३ को मृत्यु - उपत्यका - कान्तिपुर समाचार

छुट्टाछुट्टै घटनामा नुवाकोटमा ३ को मृत्यु 

कान्तिपुर संवाददाता

नुवाकोट — विदुर नगरपालिका-२ पाटीपानीमा काटेको रुखले लागेर ८९ वर्षीया युकमारी शाहको मृत्यु भएको छ । स्थानीय गौरीप्रसाद कोइरालाको बारीमा रुख काट्दा हांगाले लागेर शाहको मृत्यु भएको जिल्ला प्रहरी प्रमुख एसपी बसन्तबहादुर कुँवरले बताए । घटनाबारे अनुसन्धान भइरहेको प्रहरीले जनाएको छ । 

प्रतिकात्मक तस्बिर

विनपा-९ कोलनीमा घरको काम गर्ने कामदारको ज्यान गएको छ । बारा सिम्रनगढ नगरपालिका-८ बस्ने २३ वर्षीय शिव महतोले विनोद गुरुङको घर निर्माण गर्ने क्रममा करेन्ट लागेर मृत्यु भएको एसपी कुँवरले बताए । घाइतेको त्रिशूली अस्पतालमा मृत्यु भएको हो ।


त्यसैगरी, तारकेश्वर गाउँपालिका-४ का ५० वर्षीय ईन्द्रबहादुर नेपालीले अम्बाको रुखमा झुण्डिएर आत्महत्या गरेको प्रहरीले जनाएको छ ।

प्रकाशित : माघ १७, २०७४ १८:३९
प्रतिक्रिया
पठाउनुहोस्

फुल्चोकीमा हिउँ हेर्न जाँदा हराएका बालक एक हप्तापछि सकुशल भेटिए

मकर श्रेष्ठ

ललितपुर — फुल्चोकीमा हिउँ हेरेर फर्किने क्रममा एक साता अघि हराएका १७ वर्षीय बालक जाेन तामाङ भेटिएका छन् ।

जोन तामाङको बीएण्डबी अस्पतालमा उपचार गरिंदै । तस्बिर : कविन अधिकारी/कान्तिपुर

उनी फुल्चोकी जंगलबाट सकुशल भेटिएको महानगरीय प्रहरी वृत्त सातदोबाटोका प्रहरी नायब उपरीक्षक विनोद सिलवालले बताए ।

सिलवालका अनुसार आफन्तले खोजी गर्ने क्रममा ति बालक भेटिएका हुन् । 'म बच्चा भेटिएकाे ठाउँबाट फर्किंदै छु,' सिलवालले भने ।

ललितपुरको थसिखेलस्थित अजय शिशू सदनमा अध्ययनरत उनी गत बिहीबार फुल्चोकीमा हिउँ हेरेर फर्किदा हराएका थिए । विद्यालयका प्रिन्सिपलसहित ५ र ६ का ११ विद्यार्थी हिउँ हेर्न गएका थिए । कक्षा ६ बाट फुल्चोकी जानेमा तामाङ एक्ला थिए ।

प्रिन्सिपलको लापरवाहीले यस्तो घटना भएको अभिभावकको आरोपपछि प्रहरीले विद्यालयका प्रिन्सिपल दुर्गाबहादुर ओलीलाई समेत नियन्त्रणमा लिएकाे थियाे ।

प्रकाशित : माघ १७, २०७४ १८:३४
पूरा पढ्नुहोस्
प्रतिक्रिया
पठाउनुहोस्
×