२०.१२°C काठमाडौं
थप दुई न्यायाधीश माथि छानबिन
काठमाडौँ — दुई जिल्ला न्यायाधीश विरुद्ध परेको उजुरी छानबिन गर्न न्यायपरिषदले समिति गठन गरेको छ । सर्वोच्च अदालतका न्यायाधीश आनन्दमोहन भट्टराईको संयोजकत्वमा गठित समितिमा उच्च अदालत पाटनका मुख्य न्यायाधीश प्रकाश ढुंगाना र न्यायाधीश टेकप्रसाद ढुंगाना सदस्य छन् ।
समितिले जिल्ला न्यायाधीश विश्वमंगल आत्रेय र ओमकार उपाध्यायमाथि छानबिन गर्नेछ । आत्रेयले ललितपुरमा हुँदा गरेका विभिन्न मुद्दाको न्यायसम्पादनमाथि उजुरी परेको थियो ।
परिषद्ले सर्लाही जिल्ला अदालतका न्यायाधीश राजेश काफ्ले र भक्तपुरका मोहम्मद आजादलाई सातदिने स्पष्टीकरण सोधेको छ ।
प्रतिक्रिया
