कान्तिपुर वेबसाईट
AdvertisementAdvertisement
२५.१२°C काठमाडौं
काठमाडौंमा वायुको गुणस्तर: १०४

एसएसपीसहित चार जना भ्रष्टाचारी ठहर

काठमाडौँ — विशेष अदालतले सशस्त्र प्रहरी बलका एसएसपीसहित चार जनालाई भ्रष्टाचारी ठहर गरेको छ । विशेषले बलको बाँकेस्थित कार्यालयमा काँडेतार खरिद गर्दा भ्रष्टाचार भएको ठहर गरी एसएसपी गोपाल मिश्र, इन्स्पेक्टर चित्रबहादुर केसी, हवल्दार नयनबहादुर ओली र ठेकेदार राजु रावललाई सजाय तोकेको हो । 

एसएसपीसहित चार जना भ्रष्टाचारी ठहर

विशेषका अध्यक्ष बाबुराम रेग्मी तथा सदस्यहरू रत्नबहादुर बागचन्द र चण्डिराज ढकालको इजलासले एसएसपी मिश्र र इन्स्पेक्टर केसीलाई ६३ लाख १६ हजार बिगो र त्यति नै जरिवाना हुने फैसला गरेको छ । उनीहरूलाई एक/एक वर्ष कैद सजाय तोकिएको छ । ठेकेदार राजु रावललाई एक करोड २६ लाख बिगो र त्यति नै जरिवाना गर्ने निर्णय भएको छ । हवल्दार ओलीलाई ३१ लाख ५८ हजार बिगो र त्यति नै जरिवाना तोकिएको छ । उनीहरूमाथि ६ महिनाका दरले कैद सजाय हुनेछ ।


काँडेतार खरिदमा भ्रष्टाचार गरेको अभियोगमा अख्तियारले २०७३ साल भदौ ६ गते एसएसपी मिश्रसहित ४ जनाविरुद्ध भ्रष्टाचार मुद्दा दायर गरेको थियो । गोप्य रूपमा फर्जी खरिद बोर्ड गठन गरी नक्कली बिलका आधारमा भ्रष्टाचार गरेको अख्तियारको आरोप थियो ।


अख्तियारले ओलीबाहेक सबै प्रतिवादीविरुद्ध एक करोड ६६ लाख रुपैयाँका दरले बिगो मागदाबी गरेको थियो । हवल्दार ओलीलाई भने बिनाबिगोको भ्रष्टाचार मुद्दा मात्रै लगाएको थियो । २०७१ माघदेखि अर्को सालको माघसम्म एक वर्ष सशस्त्र प्रहरीको बाँके कार्यालय प्रमुख हुँदा मिश्रले दुई प्रकारको काँडेतार खरिदमा अनियमितता गरेको अख्तियारको आरोप थियो । मिश्रकै आदेशमा लेखा प्रमुख केसीलगायत स्काई वेब, वर्षा र जेजे ट्रेडिङका सञ्चालक राजु रावलसँग मिलेमतोमा फर्जी खरिद प्रतिवेदन तयार गरेको आरोपपत्रमा दाबी गरिएको थियो ।


आठ जनाविरुद्ध मुद्दा

अख्तियारले परीक्षामा अनुत्तीर्ण भएकालाई समेत पास गराएर लाइसेन्स जारी गरेको भन्दै यातायात कार्यालयका ८ जनाविरुद्ध विशेष अदालतमा भ्रष्टाचार मुद्दा दायर गरेको छ । अख्तियारले उनीहरूमाथि लिखित र ट्रायल परीक्षामा अनुत्तीर्ण भएकाको अभिलेख परिवर्तन गरेको आरोप लगाएको हो ।


शाखा अधिकृतहरू भक्तबहादुर विष्ट, विष्णुप्रसाद सुवेदी, कम्प्युटर अधिकृत विजेन्द्रराज जोशी, जयनारायण चौधरी, कम्प्युटर अपरेटरहरू सचिनकुमार सिंह, अमितकुमार साह, विजयराम बनमाला र मदनकुमार साहसमेत ८ जनामाथि अख्तियारले मुद्दा चलाएको हो । उनीहरूले ६ सय २९ जनाको नतिजा फेरबदल गराएको आरोप छ ।


प्रकाशित : माघ १७, २०७५ १९:५२
प्रतिक्रिया
पठाउनुहोस्
जनताको राय

पूर्वउपराष्ट्रपतिका छोरा तथा अखिल क्रान्तिकारीका महासचिव दिपेश पुनपछि सत्तारूढ माओवादीका उपाध्यक्ष तथा पूर्वसभामुख कृष्णबहादुर महरा सुन तस्करी अनुसन्धानमा पक्राउ परेका छन् । के सरकारले भ्रष्टाचारविरुद्ध शून्य सहनशीलता अपनाएकै हो त ?