घरेलु मैदानसँगको आत्मीयता र हजारौं दर्शकको समर्थनले फुटबलमा धेरै फरक पार्छ । विश्वका जुनसुकै टिमले पनि घरेलु मैदानमा उत्कृष्ट प्रदर्शन गरेका तथ्यांक प्रशस्तै छन् । यस्तो अवसर नेपाली टिमले विश्वकप २०२२/एसियन कप २०२३ छनोटको दोस्रो चरणमा पाएन । एउटा आफ्नै कारण र अर्को महामारीले ।
डिफेन्सका मुख्य खेलाडी रोहित चन्दले पहिलो हाफको अन्त्यमा रातो कार्ड बेहोर्दे मैदान छाडेपछि १० खेलाडीमा समेटिएको नेपालले अस्ट्रेलियाविरुद्ध ३–० को हारसँगै शुक्रबार विश्वकप २०२२ छनोट टुंग्याएको छ । यससँगै नेपाल सिधै एसियन कप २०२३ छनोटको तेस्रो चरणमा पुग्न असफल रह्यो । अब त्यसका लागि प्लेअफ खेल्नुपर्नेछ ।
नेपाली राष्ट्रिय टिमले एसियाली महारथी अस्ट्रेलियाविरुद्ध प्रतिस्पर्धा गर्दै शुक्रबार विश्वकप २०२२ छनोटबाट औपचारिक बिदाइ लिँदै छ । छनोटको अन्तिम खेलमा नेपालले आस गर्ने खासै ठाउँ छैन । खेल हार्यो भने पनि चित्त दुखाउने अवस्था छैन । प्रशिक्षक अब्दुल्लाह अलमुताइरीको आगमनले नेपाली टिमलाई नयाँ रूप दिएको छ, केही सम्भावना देखाएको छ, यसैलाई निरन्तरता दिने अपेक्षा गरिएको छ ।
फुटबल विकासको आधार, खेलाडीको कौशल र वर्तमान टिमको अवस्थालाई सरसर्ती हेर्दा नै नेपालको लागि अस्ट्रेलियाको चुनौती एउटा ठूलै पहाडजस्तो हो । जसलाई छिचोल्ने प्रयास नेपालले शुक्रबार गर्दैछ । नेपाली टिमले एसियाली फुटबलकै महारथी अस्ट्रेलियाविरुद्धको प्रतिस्पर्धासँगै विश्वकप २०२२ छनोटको यात्रा पूरा गर्दैछ ।
सबै खालका सम्भावना बाँकी हुँदा पनि नेपाली टिम विश्वकप २०२२ छनोटको तेस्रो चरणमा पुग्ने अपेक्षा गरिएको थिएन । त्यसनिम्ति सबै हिसाबले नेपाली टिम कमजोर नै थियो/छ । तर, यो एसियन कप २०२३ को छनोट पनि हो । हाम्रो सम्भावना यसैमा हो ।
नेपाली टिमको तुलनामा जोर्डन सबै हिसाबले बलियो र उत्कृष्ट थियो । शारीरिक, प्राविधिक र खेलाडीको अनुभवका आधारमा जोर्डन बलियो थियो । तैपनि प्रशिक्षक अब्दुल्लाह अलमुताइरीले जोर्डनविरुद्ध पनि जितकै लागि खेल्ने बताइरहेका थिए ।
नेपाली टिमले विश्वकप छनोटमै १० वर्षअघि जोर्डनविरुद्ध दुई खेल खेलेको थियो । अम्मानको ‘अवे’ खेलमा ९–० ले स्तब्ध भएको नेपालले त्यसको पाँच दिनभित्रै दशरथ रंगशालामा भएको ‘होम म्याच’ १–१ मा टुंग्याएको थियो । खराब र राम्रो नतिजाको रूपमा यी दुवै खेलको चर्चा भइरहन्छ ।
स्विडिस प्रशिक्षक योहान कालिनले दुई वर्षअघि सम्हालेको नेपाली टिमको पहिलो प्रतिद्वन्द्वी थियो, कुवेत । नेपाली टिम मैत्रीपूर्ण दुई खेलका लागि खाडी मुलुक पुगेको थियो । पहिलो खेल गोलरहित सकियो । दोस्रो खेल पेनाल्टी गोलमा कुवेतले १–० ले जित्यो । महादेशकै कमजोर टिममा पर्ने नेपालका लागि फेरि बलियो बन्ने अभियानमा रहेको कुवेती टिमविरुद्ध यी दुई नतिजा नसोचिएका उपलब्धि नै थिए । त्यो पनि प्रतिस्पर्धीको भूमिमा ।
गत चैतमा दशरथ रंगशालामा नेपालले थ्री नेसन्स कपको फाइनलमा बंगलादेशलाई २–१ ले हराएर उपाधि जितेको थियो । सन्जोक राईले १८ औं मिनेटमा गोल गरे, जसले नेपालको गोलविहीन यात्रालाई ७ खेलमा टुंग्याइदियो । अर्को गोल विशाल राईले गरेका थिए ।
अञ्जन विष्ट र वैकल्पिक खेलाडी नवयुग श्रेष्ठको गोलमा नेपालले विश्वकप २०२२/एसियन कप २०२३ छनोटमा बिहीबार चाइनिज ताइपेर्ईमाथि २–० को जित हात पारेको छ । ताइवानी टिमविरुद्ध दुवै खेल जितेसँगै नेपालले समूह ‘बी’ मा कम्तीमा चौथो स्थान पक्का गर्नेछ ।
