माउरिसियो पोचेटिनोले आफ्नो प्राथमिकता इंग्लिस प्रिमियर लिग (ईपीएल) मा फर्कनु नै रहेको बताएका छन् । टोटेनहमले बर्खास्तको ६ महिनायता उनको यो इच्छा बाहिर आएको हो । उनले साढे ५ वर्ष टोटेनहममा बिताए र त्यसक्रममा कुनै पनि उपाधि जित्न सकेन । तर यी ४८ वर्षीय प्रशिक्षकले टोटेनहमको भाग्य भने फेरे र टिमले गत वर्ष युरोपेली च्याम्पियन्स लिगको फाइनल यात्रा तय गरेको थियो ।
अंक तालिकाको मध्यभागमा रहेको कोल्नले जर्मन बुंडेसलिगामा आइतबार राति फोर्टुना डुसलफोर्डसँग २–२ को बराबरी खेलेको छ । कोल्नले खेलको अन्त्यतिर दुई गोल गरे ।
न्युजिल्यान्ड क्रिकेटका लागि अझै यो सबैभन्दा पीडाको प्रदर्शन रहेको छ । न्युजिल्यान्ड एकपल्ट टेस्ट क्रिकेटको एउटा इनिङ्समा २६ रनमात्र बनाएर अलआउट भएको थियो । ती दिन सम्झेर एएफपीले तयार पारेको यो सामग्री :
हर्था बर्लिनले आफ्नो ७४ हजार दर्शक क्षमताको खाली ओलम्पिक रंगशालामा शुक्रबार राति युनियन बर्लिनलाई ४–० ले हराएको छ । यो जितपछि हर्था अंक तालिकाको दसौं स्थानमा उक्लेको छ ।
चेल्सीले स्ट्राइकर ओलिभर जिरोड र गोलरक्षक विली काबेलेरोसँग सन् २०२०/२०२१ सम्मका लागि अनुबन्ध थप गरेको छ । कोरोना महामारीका कारण लिग रोकिनुअगाडि एभरटनविरुद्धको अन्तिम खेलमा जिरोडले चेल्सीका लागि गोल गरेका थिए ।
स्कटिस फुटबलमा सेल्टिकको बलियो पकड फेरि एकपल्ट कायम रह्यो । उसले नवौंपल्ट लगातार लिग जितेको कोसेढुंगा उपलब्धि भर्खरै मात्र निश्चित भएको छ । भलै, दुई महिना भयो खेलाडीले बल प्रहार गर्न पनि नपाएको ।
इंग्लिस प्रिमियर लिग (ईपीएल) मा गरिएको परीक्षणका क्रममा मंगलबार ६ जना संक्रमित भेटिएका छन् । तिनमा बर्नलीका सहायक प्रशिक्षक इयान वन पनि छन् । ईपीएलले अघिल्लो दिन मात्र ७ सय ४८ खेलाडी र प्रशिक्षकमा कोभिड–१९ परीक्षण गरेको थियो ।
इंग्लिस प्रिमियर लिग (ईपीएल) मा मंगलबारदेखि समूहमा प्रशिक्षण गर्न पाइने भएको छ । कोरोना महामारीका कारण रोकिएको लिग फेरि ब्युँताउने क्रममा बसेको क्लबको बैठकले यस्तो निर्णय गरेको हो ।
