पहिरोले राप्ती राजमार्ग अवरुद्ध
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
सल्यान — अविरल बर्षातका कारण पहिरो जाँदा शुक्रबार बिहानदेखि राप्ती राजमार्ग अवरुद्ध भएको छ । जिल्लाको दार्मा गाउँपालिका-५ जलेखर्कस्थित ठूलो पहिरोका कारण राप्ती राजमार्ग अवरुद्ध भएको हो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![पहिरोले राप्ती राजमार्ग अवरुद्ध](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/salyan-bus-2672024063306-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
सडक अवरुद्ध हुँदा अहिले यात्रुबाहक सवारी साधन आवतजावत ठप्प भएको छ भने रुकुमबाट सल्यान हुदै दाङ जाने र दाङ तथा सल्यानबाट रुकुम जाने यात्रुहरू बाटोमै अलपत्र परेका छन । नजिकैका यात्रुहरू हिँडेर आउजाउ गर्न बाध्य भएका छन् ।
गएराति परेको वर्षाका कारण गएको पहिरोका साथै सडक हिलाम्मे भएकाले राप्ती राजमार्ग अवरुद्ध भएको जिल्ला प्रहरी कार्यालय सल्यानका सूचना अधिकारी प्रनि रेसमबहादुर खत्रीले बताए । सडक अवरुद्ध भएको स्थानमा अहिले सुरक्षाकर्मी पुगेर पहिरो पन्छाउने र सडक खुलाउने काम भइरहेको उनले जानकारी गराए । उनका अनुसार पहिरो र सडक थुप्रिएको लेदो माटो हटाउन अहिले जलेखर्कमा एक्स्काभेटर पठाइएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)