हिमाको प्रशासकीय भवन शिलान्यास
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
जुम्ला — लामो समयदेखि भाडाको घरबाट सेवा दिइरहेको जुम्लाको हिमा गाउँपालिकाले आफ्नै प्रशासकीय भवन निर्माण सुरु गरेको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![हिमाको प्रशासकीय भवन शिलान्यास](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/gapa-bhawan-news-jumla-1-1472024045053-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
हिमा-५ बाजागाडमा सुविधासम्पन्न प्रशासकीय भवन बनाउन थालिएको हो । गाउँपालिका अध्यक्ष लक्ष्मणबहादुर शाही र नेपाली कांग्रेस जुम्लाका पूर्वसभापति दिपबहादुर शाहीले संयुक्तरुपमा भवन शिलान्यास गरे । जग्गा समयमै नपाइने र कार्यपालिकाले समेत केन्द्रको टुंगो लगाउन नसक्दा सरकारी काम भाडाको घरमा सञ्चालन भइरहेको थियो । तर अब केही समयपछि आफ्नै प्रशासकीय भवनमा बसेर सेवा प्रदान गर्ने अध्यक्ष शाहीले बताए ।
प्रशासकीय भवन निर्माणको लागि स्थानीयले ३ हजार ९ सय वर्गमिटर जग्गा गाउँपालिकालाई नि:शुल्क उपलब्ध गराएका छन् । हिमा ५ का स्थानीय दानबहादुर शाहीले तीन हजार एक सय र दलविर शाहीले आठ सय बर्गमिटर जग्गा गाउँपालिकालाई नि:शुल्क प्रदान गरेको प्रमुख प्रशासकीय अधिकृत रणबहादुर बुढाले बताए । उनले भने, ‘हिमा सरकारको आफ्नै भवन नहुँदा सेवाप्रवाहमा समस्या भइरहेको थियो । अब केही समयमा नै सुविधासम्पन्न प्रशासकीय भवनबाटै सेवा शुभारम्भ हुनेछ । ’
हिमा गाउँपालिकाको १२ औं गाउँसभाले बाजागाडामा स्थानीय केन्द्र तोकेको थियो । 'केन्द्र तोक्ने निर्णय भइसक्दा पनि कार्यान्वयनमा चुनौती थियो,' अध्यक्ष शाहीले भने, ‘जग्गादाताहरुसँगको घनिभूत छलफल र कार्यपालिकाभित्रको औपचारिक निर्णयले प्रशासकीय भवन बनाउन बाटो खुलेको हो । ’
अध्यक्ष शाहीले प्रशासनिक भवन निर्माणका लागि बनाएको कार्यविधि हुबहु कार्यान्वयन हुने प्रतिक्रिया दिए । केन्द्र सरकारको ६० प्रतिशत र ४० प्रतिशत हिमा गाउँपालिकाको लागतमा प्रशासनिक भवनको निर्माण कार्य अघि बढेको हो । गाउँपालिका भवन अपांगतामैत्री, बालमैत्री बनाईने प्रतिबद्धता जनप्रतिनिधिले गरेका छन् ।
१० करोड बराबरको लगानीमा भवन निर्माणको काम सुरु भएको हो । कांग्रेस जुम्लाका पूर्वसभापति दिपबहादुर शाहीले गाउँपालिकाको स्थायी संरचना निर्माण गर्नका लागि गाउँपालिकाले गरेको कामको प्रशंसा गरे । उनले भने, ‘भाडामा सरकारका कामकाज भइरहँदा असहज अनुभूति भइरहेको थियो । अब सहज र प्रभावकारी सेवा प्रदान गर्न प्रशासकीय भवनले सहयोग मिल्ने छ ।’
लामो समयदेखि पालिका केन्द्रका विषयमा छलफल भइरहेको भए पनि निष्कर्षमा पुग्न सकिएको थिएन । शिल्यान्यासमा नागरिकहरुको सहभागिता उत्साहजनक थियो । धर्मगुरुहरु पनि प्रशासकीय भवन निर्माणको काम सुरु हुँदा खुसी देखिन्थे ।
प्रशासकीय भवन शिलान्यास गर्दै हिमा गाउँपालिका । तस्बिर : डीबी/कान्तिपुर
![](https://assets-cdn.ekantipur.com/uploads/source/ads/900-x-100-1-0282024055738.gif)