मुसीकोटमा गाडी दुर्घटना हुँदा ३ जनाको मृत्यु, ३ जना घाइते
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रूकुम पश्चिम — रुकुम पश्चिमको मुसीकोट नगरपालिका-१ गिलवाङमा गाडी दुर्घटना हुँदा तीन जनाको जनाको मृत्यु भएको छ भने ३ जना घाइते भएका छन् । आइतबार राति ८:३० बजे बाँफिकोट गाउँपालिका-४ को छिनखेतबाट जिल्ला सदरमुकाम मुसीकोटतर्फ आउँदै गरेको गाडी गिलवाङ नजिकै दुर्घटना भएको हो ।
![](https://assets-cdn.ekantipur.com/uploads/source/ads/900x100-1172024092759.gif)
![मुसीकोटमा गाडी दुर्घटना हुँदा ३ जनाको मृत्यु, ३ जना घाइते](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/accident-1312024093851-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
कर्णाली प्रदेश ०२००१ च ०४१३ नम्बरको गाडी सडकबाट खस्दा बर्दिया ठाकुरबाबा नगरपालिका -५ का २७ वर्षीय सौगात विक, सुर्खेतको गुर्भाकोट नगरपालिका-८ का ३० वर्षीय धर्मेन्द्र श्रेष्ठ र सुर्खेतकै बराहताल गाउँपालिका बड्डीचौरका २२ वर्षीय जितबहादुर कार्कीको मृत्यु भएको जिल्ला प्रहरी कार्यालयका प्रहरी प्रमुख डीएसपी नवराज पोखरेलले जानकारी दिए ।
यस्तै दुर्घटनामा घाइते हुनेहरूमा रुकुम पश्चिमको बाँफिकोट-४ छिनखेतका १७ वर्षीय सुजल विक, बर्दियाको ठाकुरबाबा नगरपालिका-५ बनकट्टीका २६ वर्षीय दिलीप थापा र बर्दियाको ठाकुरबाबा-५ कालीगौडीका २७ वर्षीय आरएन भनिने टीकाराम खनाल रहेका छन् ।
घाइतेहरूलाई जिल्ला अस्पतालमा सामान्य उपचारपछि थप उपचारका लागि नेपालगन्ज रिफर गरिएको छ । गाडी सडकबाट करिब चार सय मिटर तल खसेर दुर्घटना भएको प्रहरीको भनाइ छ ।
![](https://assets-cdn.ekantipur.com/uploads/source/ads/900-x-100-0172024023126.gif)