खत्याडमा जीप दुर्घटना हुँदा १२ जना घाइते
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
मुगु — खत्याड गाउँपालिकास्थित सेरी जाममा बिहीबार जीप दुर्घटना हुँदा १२ जना घाइते भएका छन् । उनीहरुमध्ये ९ जना विद्यार्थी छन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![खत्याडमा जीप दुर्घटना हुँदा १२ जना घाइते](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/accident-1312024093851-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
प्रहरीका अनुसार बाजुराको बुढीनन्दा नगरपालिकास्थित कोल्टीमा रहेको जनप्रकाश माध्यमिक विद्यालयमा अध्ययरत विद्यार्थी र शिक्षक रारा भ्रमण गर्न आउने क्रममा जीप दुर्घटना हुँदा ९ जना विद्यार्थी, २ जना शिक्षिका र एक जना चालकसहित १२ जना घाइते भएका हुन् ।
ग १ ज ८२४९ नम्बरको जीप दुर्घटना भएको खत्याड गाउँपालिका-२ का वडाअध्यक्ष हेमराज मल्लले जानकारी दिए । उनले भने, 'घाइते १२ जनाको भित्र कति चोट लागेको छ ? भन्ने थाहा भएन । बाहिर टाउकोमा चोट लागेर रगत आएको अवस्था छ ।'
घाइते विद्यार्थी, शिक्षिका र चालकलाई थप उपचारको लागि खत्याड रातापानी प्राथमिक स्वास्थ्य केन्द्रमा पठाएको छ । जीप सडकबाट २५ मिटर तल खसेको थियो ।
![](https://assets-cdn.ekantipur.com/uploads/source/ads/900-x-100-1-0282024055738.gif)