२३.१२°C काठमाडौं
काठमाडौंमा वायुको गुणस्तर: ८०

राजबहादुर शाही

राजबहादुर शाहीका लेखहरु :

पाटनमै ज्यान गुमाउँदै यार्सा संकलक

यार्सा टिप्न पाटनतर्फ जाँदै गरेका पातारासी गाउँपालिका–३ का २६ वर्षीय सुर्ज रावतको गत बिहीबार लेक लागेर मृत्यु भयो । यार्सा टिपेर पैसा कमाउने लोभले केही दिनअघि मुगुम कार्मारोङ गाउँपालिकाको पाटनतर्फ जाँदै गरेका उनको लेक लागेर बाटोमै ज्यान गएको हो ।

नाका खुल्ने दिन कुर्दै कार्मारोङका बासिन्दा

मुगुम कार्मारोङ गाउँपालिकाका बासिन्दा उत्तरी नाक्चेनाङ्ला व्यापारिक नाका खुल्ने दिन कुरिरहेका छन् । छिमेकी राष्ट्र चीनसँग जोडिएका नेपालका परम्परागत १४ नाका खोल्ने तयारी रहेको खबर आएपछि कार्मारोङबासी आशावादी छन् । तर नाका कहिले खुल्ने वा खुल्ने हो वा होइन भन्ने कसैलाई पत्तो छैन ।

स्याउ किसानलाई बोट काँटछाँटको चटारो

छायाँनाथ रारा नगरपालिका–४ ताल्च गाउँका हरि रोकायालाई बारीको स्याउ गोडमेल र बोट काँटछाँट गर्ने चटारो छ । बोटको मुना पलाउने र फूल्ने समय हुन थालेपछि रोकायाको पूरै परिवार अग्ला हाँगा तथा किरा लागेका बोट काट्ने, गोडमेल र झारपात सफा गर्ने काममा ब्यस्त छन् ।

मुगुमा लम्पी स्किन रोगले १२१ चौपाय मरे 

जिल्लामा लम्पी स्किन रोगले अहिलेसम्म १ सय २१ चौपाय मरेका छन् भने ४ सय ३१ प्रभावित भएको पशु अस्पताल तथा पशु सेवा कार्यालयले जनाएको छ । पशु अस्पताल तथा पशुसेवा कार्यालय प्रमुख भीमचन्द बुढाले गाईगोरु र बाछाबच्छीमा बढी संक्रमण देखिएको बताए ।

धावक मिरा राई रारामा

प्रसिद्ध म्याराथन धावक मिरा राईले पर्यटकीय गन्तव्य मुगुको रारामा पहिलो पटक पाइला टेकेकी छन् । अन्तराल मिडिया एन्ड इभेन्ट म्यानेजमेन्ट प्रालिले बुधबार रारा हुटुमा आयोजना गरेको रारा समिटमा भाग लिन आएकी राईले रारा ताल पुगेकी हुन् ।

मुगुको सोरु गाउँपालिकामा खाद्यान्न संकट 

सोरु गाउँपालिका भीई गाउँकी बाँचली नेपाली खाद्यान्न लिन चार घण्टा हिँडेर आइतबार सोरुकोट आएकी छन् । बिहान बेलुका छाक टार्न मुस्किल भएपछि उनी एक प्याकेट खाद्यान्न लिन सोरुकोट खाद्य डिपो पुग्न बाध्य भएकी हुन् । घरमा खाने अनाज सकिएपछि चार घण्टा हिँडेर सोरुकोट खाद्यान्न लिन आएकी बाँचलीले भनिन् ‘गाउँमा भोकमरी छ, अनाज किन्न पाइँदैन ।’ 

अपचलन रोक्न सोरु गाउँपालिकाका कामदारको ज्याला बैंक खातामै

सोरु गाउँपालिकाले भ्रष्टाचार रोक्न भन्दै चालु आर्थिक वर्षबाट परियोजनाहरूमा काम गर्ने कामदारहको ज्याला व्यक्ति स्वयंको खातामा जम्मा गरिदिन थालेको छ । विभिन्न योजनाहरूका उपभोक्ता समितिले कामदारको ज्याला नबुझाएर रकम हिनामिना गर्न थालेपछि त्यसलाई रोक्न र योजनालाई पारदर्शी बनाउन पालिकाले कामदारको खाता बैंक खोल्न लगाइ रकम भुक्तानी थालेको जनाएको छ ।

दसैंलाई ल्याउन थालियो मुस्ताङी च्यांग्रा

दसैंलाई लक्ष्य गरी यसपालि पनि मुस्ताङबाट चेलुक (भेडा) र च्यांग्रा बेसी झार्न थालिएको छ । व्यापारीले च्यांग्रा गोठमै ३५–४१ हजार र चेलुक २५–३० हजारमा किनेका छन् । १२ हजार वटा झार्ने भनिएकामा शुक्रबार बिहानसम्म करिब १५ सयको स्वास्थ्य परीक्षण गरी पठाइएको च्यांग्राको क्वारेन्टाइन (स्वास्थ्य परीक्षण) गर्ने जिम्मेवारी पाएका प्रधानमन्त्री कृषि आधुनिकीकरण परियोजनाका डा. समीर थापाले बताए ।