राजबहादुर शाही

राजबहादुर शाहीका लेखहरु :

दसैंलाई ल्याउन थालियो मुस्ताङी च्यांग्रा

दसैंलाई लक्ष्य गरी यसपालि पनि मुस्ताङबाट चेलुक (भेडा) र च्यांग्रा बेसी झार्न थालिएको छ । व्यापारीले च्यांग्रा गोठमै ३५–४१ हजार र चेलुक २५–३० हजारमा किनेका छन् । १२ हजार वटा झार्ने भनिएकामा शुक्रबार बिहानसम्म करिब १५ सयको स्वास्थ्य परीक्षण गरी पठाइएको च्यांग्राको क्वारेन्टाइन (स्वास्थ्य परीक्षण) गर्ने जिम्मेवारी पाएका प्रधानमन्त्री कृषि आधुनिकीकरण परियोजनाका डा. समीर थापाले बताए ।

मुगुका खाद्य गोदाममा चामल सकिएपछि वितरण बन्द

जिल्लास्थित खाद्य व्यवस्था तथा व्यापार कम्पनीको गोदाममा चामल सकिएपछि बिक्री वितरण बन्द गरिएको छ । गत आर्थिक वर्षमा ढुवानी भएको चामल बिक्री भइसकेको र चालु आर्थिक वर्षको चामल ढुवानी गर्न ठेक्का स्वीकृत भइनसकेको  हुँदा गोदाममा चामल सकिएपछि बिक्री वितरण बन्द गरिएको कम्पनीका प्रमुख अधिकारी पुष्कर भामले बताए । 

मुगुमा हिमपातले जनजीवन कष्टकर 

भारी हिमपातका कारण चिसोले मुगुको जनजीवन कष्टकर भएको छ । गत शनिबारदेखि नै मौसम बदली भई आइतबारदेखि रारा, मुर्मा, ताल्च, रोवा, खमाले, मुन्दु, मुगु , बाम, किम्री, माग्री लगायत दर्जनौ बस्तीमा भारी हिमपात हुँदा चिसो बढेर जनजीवन कष्टर बनेको हो ।

नेपालगन्ज–मुगुको हवाई भाडा १२ हजार !

मुगुको रारा विमानस्थलमा उडान गर्ने निजी एयरलाइन्सले कार्गोका नाममा दोब्बर भाडा असुल्न थालेका छन् । नेपालगन्जदेखि मुगु आउन यात्रु नभएको भन्दै एयरलाइन्सले एकतर्फी भाडा नै १२ हजार रुपैयाँ लिने गरेका हुन् ।