नागरिकता  सिफारिस सेवा अनलाइनबाट

वडा कार्यालयमा आवश्यक कागजपत्र लिएर गएपछि अनलाइन मार्फत सिफारिस हुने छ । केन्द्रीकृत नागरिकता सूचना व्यवस्थापन प्रणाली (सीसीआइएमएस) को माध्यमबाट अनलाइन सिफारिस सुरु भएको बर्दघाट नगरपालिकाका प्रमुख शम्भुलाल श्रेष्ठले बताए ।

अनलाइन प्रणाली सुरु भएपछि अभिलेखीकरणमा सहजता, सेवाप्रवाहमा छरितो र प्रविधीमैत्री सेवा प्रवाह हुने, झुटा र किर्ते विवरण भरेर नागरिकता लिने कार्य अन्त्य हुने विश्वास लिइएको छ ।

विद्युतीय व्यवस्थाले सबै प्रणालीलाई एकीकृत गर्न र दस्तावेज कायम गर्न सहज हुने पश्चिम नवलपरासीका प्रमुख जिल्ला अधिकारी सुरेस पन्थीले बताए । तत्काललाई नयाा नागरिकताको मात्र सिफारिसका लागि यो सेवा सुचारु भएपनि आगामी दिनमा राष्ट्रिय परिचय पत्र तथा अन्य परिचयपत्र निर्माणमा पनि अनलाइन सेवा सुरु गर्ने तयारी छ ।

यो सेवा अहिले कैलाली, पुर्वी नवलपरासी र पश्चिम नवलपरासीका केही स्थानीय तहमा लागु गरिएको छ ।