जंगली जनावरको आक्रमणबाट बृद्धको मृत्यु

पुर्वपश्चिम राजमार्गको ढकेरीदेखि २ किलोमिटर पश्चिममा पर्ने भालुखोलाको सडक बाटो छेऊमा जंगली जनावरले आक्रमण गर्दा ७१ वर्षीय नगेन्द्र प्रसाद शर्माको ज्यान गएको बाँके राष्ट्रिय निकुञ्जका वरिष्ठ संरक्षण अधिकृत मनोज कुमार शाहले बताए ।

मृतक शर्मा दार्मा गाउँपालिका-१ सल्यान घर भई हाल ढकेरी र कोहलपुरमा भएको आफन्तको घरमा बस्दै आएका थिए । इलाका प्रहरी कार्यालय कोहलपुरका प्रहरी निरीक्षक देवराज भट्टराईका अनुसार मृतक शर्मालाई जंगली जवनारले आइतबार बिहान साढे पाँच बजेको समयमा आक्रमण गरेको अनुमान गरिएको छ ।

मृतकको शवलाई पोष्टमार्टका लागि भेरी अस्पतालमा लगिएको बताए।