वीपी राजमार्गमा पहिरो पन्छाएर एकतर्फी यातायात संचालन
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
सिन्धुली — कमेरेफाँटको लेदो सहितको पहिरो पन्छाएपछि शनिबार मध्यान्हदेखि वीपी राजमार्गमा एकतर्फी यातायात संचालनमा आएको छ । लगातारको वर्षापछि खसेको लेदो सहितको पहिरोले वीपी राजमार्ग शनिबार बिहानदेखि अवरुद्ध बनेको थियो ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![वीपी राजमार्गमा पहिरो पन्छाएर एकतर्फी यातायात संचालन](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/bpphotosindhuli-0672024101027-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
मध्येपहाडी लोकमार्गको गोलन्जोर गाउँपालिका-६ अक्करे भीरमा ढुङ्गासहितको ठुलो पहिरो खसेकाले यातायात अवरुद्ध नै छ । मध्यपहाडीको फिक्कल गाउँपालिका-२ सुम्नामवेँसीमा खसेको पहिरो पन्छाउने काम भइरहेको प्रहरीले जनाएको छ ।
दुई ठुला राजमार्ग अवरुद्ध हुँदा पूर्वी पहाडी जिल्लाहरु ओखलढुङ्गा,खोटाङ, सोलुखुम्बु, भोजपुर, उदयपुर तथा तराइबाट काठमाडौं आवतजावत गर्ने सवारी साधन बीच बाटामै अलपत्र परेका छन् ।
लगातार वर्षा भइरहेकाले सडकको जुनसुकै खण्डमा पहिरो खसेर दुर्घटना हुनसक्ने हुँदा अत्यावश्यक काम बाहेक यात्रा नगर्न सिन्धुली प्रहरी प्रमुख एसपी गोविन्दराज काफ्लेले सुझाएका छन् ।
![](https://assets-cdn.ekantipur.com/uploads/source/ads/900-x-100-1-0282024055738.gif)