राष्ट्रिय गौरवको आयोजनाका रूपमा रहेको भेरी बबई डाइभर्सन बहुउद्देश्यीय आयोजनाको सुरुङ ०७६ वैशाख ३ मा ‘ब्रेक थ्रु’ गरियो । १२.२ किमि दूरीको उक्त सुरुङको निर्माण ०७२ जेठ २१ मा थालिएको थियो । ०७६ चैत १५ मा सक्ने गरी १० अर्ब ५६ करोड ९७ लाखमा ठेक्का भएको सुरुङको ‘ब्रेक थ्रु’ भने ०७६ वैशाखमै भयो ।
सुनकोशी–मरिण डाइभर्सन अन्तर्गतको सुरुङ खन्ने काम १५ दिन भित्रै ब्रेक थ्रु हुने भएको छ । १३ दशमलव तीन किलोमिटर मध्ये १३ दशमलव २७० किलोमिटर सुरुङ निर्माणको काम सोमबारसम्ममा सकिएकाले १५ दिन भित्रै ब्रेक थ्रु हुने भएको हो ।
नेकपा एमालेको आठौं जिल्ला अधिवेशनबाट सिन्धुली अध्यक्षमा महेन्द्रदेव श्रेष्ठ निर्वाचित भएका छन् । निवर्तमान अध्यक्ष कुमारबहादुर कार्कीलाई १ सय ३७ मतअन्तरले पराजित गर्दै श्रेष्ठ अध्यक्षमा निर्वाचित भएका हुन् । खसेको मत ७ सय ५४ मा श्रेष्ठले ४ सय ४१ पाउँदा कार्कीले ३ सय ४ मत प्राप्त गरे । ७ सय ८४ प्रतिनिधिमा ३० जना अनुपस्थित रहेका थिए ।
फिक्कल गाउँपालिका-४ आलेगाउँकी लिलामाया मगरलाइ स्थानीय जातका कुखुरा स्याहारेर फुर्सद नै हुदैन । आम्दानी मनग्ये हुने भएपछि गोठमा कोठा बारेर स्थानीय जातका कुखुरा पालन गर्न उनी हौसिएकी छन् । कुखुराको चल्लालाई खोरबाट बाहिर निकाल्दा लाग्ने लाइन होस् वा चारो दिँदा हुने तछाड-मछाड, आफूलाई रमाइलो लाग्ने उनी बताउँछन्।
मुलुकका दुई ठूला आयोजना नागढुंगा–सिस्नेखोला सुरुङमार्ग र सुनकोशी–मरिण डाइभर्सनमा सुरुङ खन्ने काम अन्तिम चरणमा पुगेको छ । सुनकोशी–मरिण डाइभर्सन सुरुङको एक महिनाभित्र ‘ब्रेक थ्रु’ हुने भएको छ । नागढुंगा सुरुङमार्गको आगामी वैशाख पहिलो साताभित्र काम सक्ने तयारी छ ।
सुनकोशी–मरिण डाइभर्सन अन्तर्गतको सुरुङ खन्ने काम एक महिना भित्रै 'ब्रेक थ्रु' हुने भएको छ । १३ दशमलव तीन किलोमिटर मध्ये १२ दशमलव ५ सय १७ किलोमिटर सुरुङ निर्माणको काम शनिबार बिहानसम्ममा सकिएकाले एक महिना भित्रै ब्रेक थ्रु हुने भएको हो ।
गोलन्जोर गाउँपालिका-७ माथिल्लो बारास्थित पञ्चकन्या सामुदायिक वनमा आइतबार बिहान लागेको आगलागी बस्तीमा सल्किँदा स्थानीयको घरगोठ जलेर लाखौँको धनमाल नष्ट भएको छ । आगलागीबाट तीन वटा घर, एउटा गोठ र एउटा आरन जलेको छ ।
