सिन्धुलीको कमलामाई नगरपालिका–३ स्थित सिन्धुलीगढीमा मुलुककै पहिलो युद्ध संग्रहालय निर्माण भएको छ । संग्रहालयको बुधबार राष्ट्रपति विद्यादेवी भण्डारीले उद्घाटन गरेकी छन् ।
राष्ट्रपति विद्यादेवी भण्डारीले सिन्धुलीगढी युद्ध संग्रहालयको उद्घाटन गरेकी छिन् । सेनाले निर्माण गरेको उक्त संग्रहालयको राष्ट्रपति भण्डारीले बुधबार बिहान उद्घाटन गरेकी हुन् ।
संग्रहालयको प्रवेशद्वारमा तोपगोलासहित बसेका सैनिक । प्राङ्गणमा सेनाको चहलपहल । राष्ट्रिय झण्डा फहराएर सलामी अर्पण गरेका सेना प्रतिक । पूर्वपट्टी वीर योद्धाहरु घरेलु हतियार सहित लडाइँको मैदानमा रहेको भान हुने प्रतिमूर्ति । नजिकै राष्ट्रनिर्माता पृथ्वीनारायण शाहको सालिक । ऐतिहासिक सिन्धुलीगढीमा भएको यतिखेरको परिदृश्य हो यो ।
कांग्रेस उपसभापति विमलेन्द्र निधिले शशांक कोइराला र प्रकाशमान सिंह सँगको सहकार्य थप दुई महाधिवेशनसम्म कायम रहने बताएका छन् । १४ औं महाधिवेशन तोकिएको मितिमै हुने भन्दै उनले पार्टी सभापतिका लागि आफूहरुमध्येबाट एकजनाको उम्मेद्वारी सहकार्यको प्रयास जारी रहेको बताए ।
मनसुन सक्रियसँगै लगातारको वर्षाले जेठ अन्तिम सातायता बीपी राजमार्गका चारवटै खण्डमा गरी चार दर्जनभन्दा बढी पहिरो खसेका छन् । जापान सरकारको अनुदान सहयोगमा बनेको यो राजमार्गको सिन्धुलीमाडी–खुर्कोट र बर्दिवास–सिन्धुली खण्डमा बढी पहिरो खसेको छ ।
चुरेबाट निस्कने खहरेले बगाएर ल्याउने गेग्रानले यो वर्ष जिल्लाको सयौं बिघा खेत पुरेको छ । कमलामाई नगरपालिका–१ का किसान गणेश कार्कीले खहरेले पुरेको खेतलाई सम्याएर खेती गर्न थालेको ३ वर्ष पनि नबित्दै खेत फेरि बगर बनेको छ । चुरेबाट निस्केको मछिने खहरेले उनको १० कट्ठा खेतलाई बगर बनाएको हो ।
