गस्ती गरेर फर्किदै गरेका असई ठाकुरको मोटरसाइकल दुर्घटनामा मृत्यु
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
सिन्धुली — सिन्धुलीको फिक्कल गाउँपालिका-६ मा रहेको रत्नावती प्रहरी चौकीका इन्चार्ज असई रविन्द्र ठाकुरको मोटरसाइकल दुर्घटनामा परी मृत्यु भएको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![गस्ती गरेर फर्किदै गरेका असई ठाकुरको मोटरसाइकल दुर्घटनामा मृत्यु](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/accident-0962024030356-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
आइतबार गस्ती गरेर चौकीतर्फ फर्कने क्रममा वडा नं. ५ को झगडेवेँसीस्थित भित्री सडकमा अनियन्त्रित भएर मोटरसाइकल दुर्घटना हुँदा गम्भीर घाइते भएका उनको खुर्कोटस्थित सुनकोशी सामुदायिक अस्पतालमा उपचारका क्रममा मृत्यु भएको हो ।
अस्पतालका चिकित्सकहरुले केहीबेर अघि असई ठाकुरको मृत्यु भएको घोषणा गरेका छन् । दुर्घटनामा परी मोटरसाइकलमा सवार तनहुँ भिमाद नगरपालिका-७ का प्रहरी सहायक हवल्दार सुर्यकुमार श्रेष्ठ घाइते भएका थिए । उनको सोही अस्पतालमा उपचार भइरहेको छ ।
प्रदेश ३–०२–००१ ब ४७९ नम्बरको मोटरसाइकल अनियन्त्रित भई सडकबाट ५० मिटर तल खसेर दुर्घटना भएको थियो ।
प्रकाशित : जेष्ठ २७, २०८१ १८:४९