सिरहामा ३ करोडभन्दा बढीको अवैध कपडा बरामद, गोदाम सील
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
सिरहा — सिरहामा एक कपडा गोदामबाट ३ करोडभन्दा बढीको अवैध कपडा बरामद भएको छ । लहान नगरपालिका-८, गणेश चोकस्थित एक कपडा गोदामबाट तस्करीको कपडा बरामद भएको हो । सोही स्थानका परबेज आलमले सञ्चालन गरेको फेन्सी रेडिमेड स्टोरमा राजस्व छलीका ती अवैध लत्ताकपडा बरामद भएको इलाका प्रहरी कार्यालय, लहानका प्रमुख एवं डीएसपी विष्णुप्रसाद सोतीले जनाए ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![सिरहामा ३ करोडभन्दा बढीको अवैध कपडा बरामद, गोदाम सील](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/sil-2572024062726-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
भारतबाट अवैध रूपमा तस्करी गरी ल्याइएका राजस्व छलीका कपडा उक्त गोदाममा रहेको सूचनाको आधारमा प्रहरी बिहीबार दिउँसो १२ बजे गोदाममा पुगेको थियो । यकिन भएपछि प्रहरीले तत्काल गोदामलाई नियन्त्रणमा लिएको थियो ।
प्रहरीले लगत्तै आन्तरिक राजस्व कार्यालय लहान, राजस्व अनुसन्धान कार्यालय इटहरी, ठाडी भन्सार कार्यालय जानकारी गराएको थियो । केहीबेरपछि राजस्व अनुसन्धान कार्यालय इटहरीबाट आएको टोलीले मुचुल्का उठाई गोदाम सील गरेको डीएसपी सोतीले बताए ।
गोदामभित्र ६ वटा कोठा, प्यासेज र बरन्डा समेतमा गरी विभिन्न ब्रान्डका राजस्व छलीका अवैध कपडा भेटिएको र त्यो ३ करोडभन्दा बढीको भएको अनुमान डीएसपी सोतीको छ । गोदाम सील गरी थप अनुसन्धान भइरहेको उनले बताए ।
![](https://assets-cdn.ekantipur.com/uploads/source/ads/900-x-100-1-0282024055738.gif)