पर्सामा लागूऔषधसहित २ पक्राउ

श्रावण १०, २०८१शंकर आचार्य

पर्सा — प्रहरीले वीरगन्जबाट बिहीबार दुई जनालाई लागूऔषधसहित पक्राउ गरेको छ । पक्राउ पर्नेहरुमा बारा जीतपुरसिमरा उपमहानगरपालिका–७ का २५ वर्षीय सुरज साह कलवार र २० वर्षीय सलमान अन्सारी छन् ।

मध्याह्न वीरगन्ज महानगरपालिका–२५ खल्वाटोलस्थित सडकखण्डमा सशस्त्र प्रहरी बल नेपाल र प्रहरी चौकी सिर्सियाबाट खटिएको संयुक्त प्रहरी चेकिङ टोलीले शंकास्पद रूपमा पैदल हिँडिरहेको व्यक्तिहरूलाई रोकी खानतलासी गर्दा उनीहरुले लगाएको जुत्ता र शरीरमा कालो प्लास्टिकमा लुकाइछिपाई राखिएको प्रतिबन्धित लागूऔषध नाइट्राभेट ३८ पत्तामा ५ सय ७० ट्याब्लेट फेला परेको थियो ।