वीरगन्ज मेन रोड विस्तार मुद्दाको सुनवाइ २४औँ पटक पनि स्थगित
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
वीरगन्ज — सर्वोच्च अदालतमा विचाराधीन रहेको वीरगन्ज महानगरपालिकाको मुख्य सडक (मेन रोड) विस्तारको मुद्दाको सुनवाइ आइतबार २४औँ पटक पनि स्थगित भएको छ ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![वीरगन्ज मेन रोड विस्तार मुद्दाको सुनवाइ २४औँ पटक पनि स्थगित](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/91-0962024022513-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
त्रिभुवन राजपथ अन्तर्गत वीरगन्जको गण्डक चोकदेखि पावर हाउस, घन्टाघर, माईस्थान चोक, आदर्शनगर, रजतजयन्ती चोक हुँदै नाकामा रहेको मितेरीपुल सम्मको मुख्य सडक विस्तारको विषयमा दायर मुद्दामा आइतबार पेशी तोकिएको थियो । तर सर्वोच्चले उक्त मुद्दाको सुनवाइ फेरि हेर्न नभ्याइनेमा राखेपछि पेशी २४औँ पटक पनि सरेको हो ।
वीरगन्जको मेन रोड विस्तारको मुद्दाको पेशी आइतबार सर्वोच्च अदालतका न्यायाधीशद्धय मनोजकुमार शर्मा र शारङ्गा सुवेदीको संयुक्त इजलाशमा परेको थियो । उक्त इजलासमा शुक्रबारकै मुद्दा सुनुवाइको निरन्तरता रहेकाले वीरगन्ज मुख्य सडकको मुद्दा १ नम्बरमै परे पनि हेर्न नभ्याइनेमा रह्न पुगेको सर्वोच्चका प्रवक्ता वेदप्रकाश उप्रेतीले जानकारी दिए ।
सडक डिभिजन कार्यालय हेटौंडा र व्यापारिक मार्ग विस्तार आयोजना कार्यालयले २०७६ मा छठ पर्व पछि नै सडक विस्तारको तयारी थालेको थियो । त्यसअघि २०७६ भदौमा निकालेको १५ दिने सूचनाको म्याद सकिएपनि फेरि म्याद दिएर आयोजना कार्यालयले धरधनीलाई आफ्नो घर आफैँ भत्काउन आग्रह समेत गरेको थियो ।
सडक विस्तार आयोजनाले एक चरणको नापीको काम समेत सम्पन्न गरिसकेको छ । मेन रोड दायाँ/बायाँ बस्ने घरधनीले मुआब्जाको माग गर्दै सर्वोच्चमा मुद्दा दिएका छन् । लक्ष्मण साह रौनियार, राजकुमारी देवी तुलस्यान, भरतप्रसाद रौनियार र वीरेन्द्र कुमार संघाइले मुद्दा दायर गरेका हुन् ।
सडक विस्तार हुने हो कि होइन् भन्ने विषय नटुंगिदा सडक दायाँ/बायाँका घरधनिले लामो समयदेखि घर रंगरोगन तथा मर्मत सम्भारमा समेत गरेका छैनन् । चाडपर्वमा समेत त्रिभुवन राजमार्ग छेउका घरहरु रंगरोगन हुन छाडेका छन्, यसले सहर कुरुप देखिदै गएको छ । ट्राफिक व्यवस्थापनमा समेत समस्या देखापरेको छ । बढ्दो जनसंख्या र सवारी चापले मधेशको एकमात्र महानगर सहर अस्तव्यस्त बनेको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)