पर्साका पाँच वटा स्थानीय तहमा करिब ७ हजार भूमिहीन तथा अव्यवस्थित बसोवासी रहेको पाइएको छ । राष्ट्रिय भूमि आयोगले ६ हजार ८ सय ८९ जना भूमिहीन दलित, भूमिहीन सुकुम्वासी र अव्यवस्थित बसोवासीको सूचीकृत गरेको हो ।
एक महिनादेखि पर्सामा आतंक मच्चाउँदै आएको एउटा बाघलाई नियन्त्रणमा लिइएको छ । चितवन राष्ट्रिय निकुञ्ज र पर्सा निकुञ्जको प्राविधिक टोली १० दिनदेखि तीन वटा हात्तीमा बाघ नियन्त्रणका लागि खटिएका थिए । बिहीबार दिउँसो प्राविधिक टोलीले भाले पाटे बाघलाई डार्ट प्रहार गरी नियन्त्रणमा लिएको हो ।
सुनको सिक्री नपाएको भन्दै विवाह नगरेका बेहुलासहित ५ जनाविरुद्ध विवाहसम्बन्धी कसूरमा जाहेरी दर्ता भएको छ । पर्सा प्रहरीले बाराको कलैया उपमहानगरपालिका–४ का २८ वर्षीय बेहुला उमेश साह गोढ, बेहुलाका बुवा बच्चालाल साह गोढ, बेहुलाका दुई जना दाइ र भिनाजुविरुद्ध आएको जाहेरी दर्ता गरी जिल्ला अदालतबाट दुई दिनको म्याद थप अनुमति लिएको छ ।
वीरगन्जमा दाइजोमा सुनको सिक्री नपाउँदा बेहुलाले विवाह अस्वीकार गरेका छन् । मण्डपबाटै बेहुला उठेपछि विवाद भएको थियो । स्थानीयले प्रहरीलाई खबर गरेपछि सोमबार राति करिब साढे १ बजेको समयमा वीरगन्ज महानगरपालिका–२४ रामगढवास्थित बेहुलीको घरमा पुगेर प्रहरीले बेहुला, उनका दाइ र भिनाजुलाई नियन्त्रणमा लिएको थियो । बेहुला वीरगन्ज महानगरपालिकाको स्वास्थ्य शाखामा कम्प्युटर अपरेटर पदमा कार्यरत छन् ।
शिक्षा सेवा आयोगको परीक्षा पास गरी आएका शिक्षकहरुलाई यहाँका स्थानीय तहले हाजिर गराएका छैनन् । परीक्षा पास गरेका शिक्षकहरुलाई आयोगले शिक्षा विकास तथा समन्वय इकाइ कार्यालय पर्सा पठाएको थियो ।
मधेश प्रदेश सरकारले आर्थिक वर्ष ०७८/७९ मा पर्साका विभिन्न ८ सडक कालोपत्र गर्न ५४ करोड ७१ लाख रुपैयाँ विनियोजन गरेको थियो । कालोपत्रमा रकम अभाव हुन नदिन प्रदेशले चालु आर्थिक वर्षमा थप १२ करोड रुपैयाँ विनियोजन गरेको छ । तर सडक निर्माण निर्धारित समयमा काम नभएकाले आर्थिक वर्ष ०८०/८१ मा आएको १२ करोड रुपैयाँ फिर्ता जाने सम्भावना बढी रहेको पूर्वाधार विकास कार्यालय पर्साले जनाएको छ ।
सरकारी कागज किर्ते आरोपमा वीरगन्ज महानगरपालिकाका मेयर राजेश मान सिंह लगायत ३ जनामाथि विरुद्ध बिहीबार जिल्ला प्रहरी कार्यालय पर्सामा जाहेरी दर्ता भएको छ ।