विपन्नलाई खाद्यान्न सहयोग   

ग्रामीण विकाश केन्द्र (आरडिसी) नेपालले चन्द्रपुरका विभिन्न ६९१ घरधुरीलाई चामल, गहु, पिठो, सन फलाउर तेल, तोरीको तेल, चिनी, विभिन्न थरीका दालहरु लगायतका समाग्री वितरण गरेको हो । एक कार्यक्रमबीच चन्द्रपुरका नगरप्रमुख सन्जयकुमार काफ्लेले विपन्न परिवारका सदस्यहरुलाई खाद्यान्न दिए ।

‘गाउँघरका विपन्न परिवारलाई यस्ता किसिमको सहयोगले धेरै राहत महसुस हुन्छ,‘नगरप्रमुख काफ्लेले भने,‘चरम गरिबका कारण धेरै मानिसहरु भनेको जस्तो खानबाट बञ्चित छन् । रोजगारीका अभाव पनि उनीहरुमा छ ।’

इस्लामिक रिलिफ नेपालको सहयोगमा ग्रामीण बिकाश केन्द्र नेपालले फागुनको तेश्रो साताबाट चन्द्रपुर नगरपालिकाको विभिन्न टोलहरुमा र राजपुर नगरपालिकाको विभिन्न वडाका १ हजार ९ घरधुरीका मानिसहरुलाई खाद्याान्न लगायतका समाग्रीहरु वितरण गरेको हो । केन्द्रका अध्यक्ष पारस हुसेनले विपन्न परिवारको पहिचान गरी आवश्यकतालाइ महसुस गरेर परियोजनाले समाग्री वितरण गरेको जनाए ।