विपन्नलाई खाद्यान्न सहयोग
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/mastercreativegif900x100-0952024115624.gif)
रौतहट — रौतहटस्थित ग्रामीण विकास केन्द्रले मंगलबार जिल्लाको चन्द्रपुर र राजपुर नगरपालिकाको करिब १ हजार ७ सय परिवारलाई खाद्यान्न सहयोग गरेको छ ।
![](https://assets-cdn.ekantipur.com/uploads/source/ads/reward-900x100-pxl-2462024072414.gif)
![विपन्नलाई खाद्यान्न सहयोग](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/third-party/khaddanna-sahayog-1232024104538-1000x0.jpg&w=1001&h=0)
![](https://assets-cdn.ekantipur.com/uploads/source/ads/sathi-deposit-900-100-1262024124333.gif)
ग्रामीण विकाश केन्द्र (आरडिसी) नेपालले चन्द्रपुरका विभिन्न ६९१ घरधुरीलाई चामल, गहु, पिठो, सन फलाउर तेल, तोरीको तेल, चिनी, विभिन्न थरीका दालहरु लगायतका समाग्री वितरण गरेको हो । एक कार्यक्रमबीच चन्द्रपुरका नगरप्रमुख सन्जयकुमार काफ्लेले विपन्न परिवारका सदस्यहरुलाई खाद्यान्न दिए ।
‘गाउँघरका विपन्न परिवारलाई यस्ता किसिमको सहयोगले धेरै राहत महसुस हुन्छ,‘नगरप्रमुख काफ्लेले भने,‘चरम गरिबका कारण धेरै मानिसहरु भनेको जस्तो खानबाट बञ्चित छन् । रोजगारीका अभाव पनि उनीहरुमा छ ।’
इस्लामिक रिलिफ नेपालको सहयोगमा ग्रामीण बिकाश केन्द्र नेपालले फागुनको तेश्रो साताबाट चन्द्रपुर नगरपालिकाको विभिन्न टोलहरुमा र राजपुर नगरपालिकाको विभिन्न वडाका १ हजार ९ घरधुरीका मानिसहरुलाई खाद्याान्न लगायतका समाग्रीहरु वितरण गरेको हो । केन्द्रका अध्यक्ष पारस हुसेनले विपन्न परिवारको पहिचान गरी आवश्यकतालाइ महसुस गरेर परियोजनाले समाग्री वितरण गरेको जनाए ।
![](https://assets-cdn.ekantipur.com/uploads/source/ads/900-x-100-0172024023126.gif)