भरूवा बन्दुक पड्किँदा एक महिला घाइते, बन्दुकसहित दुई जना पक्राउ
![](https://assets-cdn.ekantipur.com/uploads/source/ads/900-100-0252024112350.gif)
![](https://assets-cdn.ekantipur.com/uploads/source/ads/ekantipur900x100-3082024084948.gif)
संखुवासभा — चैनपुर नगरपालिका-११ केराबारीमा भरुवा बन्दुकको छर्रा लागेर एक महिला घाइते भएकी छन् । चैनपुर-११ केराबारीकी मेनुका खतिवडा घाइते भएकी हुन् । प्रहरी नायव उपरीक्षक घनश्याम श्रेष्ठका अनुसार घर नजिकै रहेको मकै बारीको टहरामा सुतिरहेकी खतिवडा बन्दुकको छर्रा लागेर गम्भीर घाइते भएकी हुन् ।
![](https://assets-cdn.ekantipur.com/uploads/source/ads/ekantipur-1-1282024082932.gif)
![भरूवा बन्दुक पड्किँदा एक महिला घाइते, बन्दुकसहित दुई जना पक्राउ](https://assets-cdn-api.ekantipur.com/thumb.php?src=https://assets-cdn.ekantipur.com/uploads/source/news/kantipur/2024/miscellaneous/fbimg1720450297091-0872024052003-1000x0.jpg&w=1001&h=0)
![](https://assets-cdn.ekantipur.com/uploads/source/ads/comp-900x100-1672024010950.gif)
बन्दुक पड्काएकाे आराेपमा प्रहरीले चैनपुर-११ का किङरिङका ३७ वर्षीय लंक तामाङ भन्ने अनिल कुमार तामाङ र तुलसी जिमीलाई लोड भएको दुई वटा भरुवा बन्दुकसहित नियन्त्रणमा लिएको प्रहरीले जनाएको छ ।
उक्त घटना असार ४ गते भए पनि असार २१ गते मात्र बाहिर आएको हो । घाइते महिलाको थप उपचारका लागि काठमाडौँ लगेपछि मात्र बाहिर आएको हो । प्रहरीले उनीहरूको साथबाट असार २२ गते एक थान बरुवा बन्दुक र ४ सय ३२ ग्राम बारुद समेत बरामद गरेको छ ।
दुम्सीलाई हानेको बन्दुकको छर्रा लागेर गम्भीर घाइते भएकी हुन् । प्रहरीले महिला माथि बन्दुक प्रहार गर्ने दुई जनालाई सोमबार पत्रकार सम्मेलन गरेर सार्वजनिक गरेको छ ।बारीको टहरामा मकै रुँघेर सुतिरहेकी खतिवडाको ढाडको दाहिने पट्टि भरुवा बन्दुकको छर्राले लागेको छ ।
घाइते खतिवडाको जिल्ला अस्पतालमा उपचार हुन नसकेपछि थप उपचारका लागि काठमाडौँ लगिएको जिल्ला प्रहरी कार्यालयले जनाएको छ । पक्राउ परेका तामाङ र जिमीलाई जिल्ला अदालत संखुवासभाबाट म्याद थप गरी मुलुकी अपराध संहिता, २०७४ बमोजिम ज्यान मार्ने उद्योग र हातहतियार खरखजना कसुरमा थप अनुसन्धान भई रहेको प्रहरीले जनाएको छ ।
![](https://assets-cdn.ekantipur.com/uploads/source/ads/900-x-100-1-0282024055738.gif)